Elimizde temirjol vokzaldaryn rekonstrýksııalaý jáne modernızasııalaý jumystary jalǵasyp jatyr. Memleket basshysynyń tapsyrmasyna sáıkes, 2025 jyly elimiz boıynsha 124 temirjol vokzalyn rekonstrýksııalaý jáne modernızasııalaý keshendi jumystary bastaldy, dep jazady Egemen.kz.
Modernızasııalaý jumystary vokzaldardaǵy qoljetimdilik pen jaılylyqty arttyryp, ásirese múmkindigi shekteýli azamattar úshin qolaıly jaǵdaı jasaýǵa, sondaı-aq obektilerdegi navıgasııa men qaýipsizdik deńgeıin jaqsartýǵa baǵyttalǵan.
Kólik mınıstrliginiń málimetinshe, búginde 36 vokzalda qurylys-montaj jumystary aıaqtalǵan.
2025 jyly Jaqsy, Kýrort-Býrabaı, Makınka, Shortandy, Uzyn-Aǵash, Shamalǵan, Saǵyz, Maqat, Taldyqorǵan, Aqshı, Temirtaý, Aısa, Qusmuryn, Amanqaraǵaı, Talap, Qazaly, Bozshakól, Taıynsha jáne Jańaesil stansııalaryndaǵy vokzaldarda jóndeý jumystary aıaqtaldy.
Jańaqorǵan, Shıeli jáne Qazaly vokzaldary qashan paıdalanýǵa beriledi?
2026 jyldyń birinshi toqsanynda Semıglavyı Mar, Myrza, Saryshaǵan, Kóktuma, Aǵadyr, Qaraǵandy-Suryptaý, Jańaqorǵan, Shıeli, Jetisý, Qarasor, Tobyl, Qalqaman, Dossor, Qyzyljar, Saýmalkól, Jaltyr jáne Aqqystaý stansııalaryndaǵy vokzaldarda jóndeý jumystary bitken.
«Almaty–1» vokzalynyń kelbeti qalaı ózgeredi?
Qalǵan vokzaldardaǵy rekonstrýksııa jumystaryn bıylǵy jyldyń sońyna deıin aıaqtaý josparlanǵan.
«Modernızasııa nátıjesinde jolaýshylar zamanaýı kútý zaldaryna, jańartylǵan navıgasııalyq jáne aqparattyq júıelerge, jetildirilgen ınjenerlik sheshimderge, sondaı-aq barlyq sanattaǵy azamattarǵa arnalǵan qolaıly jaǵdaılarǵa ıe bolady. Baǵdarlamany iske asyrý elimizdegi temirjol vokzaldarynyń ınfraqurylymyn zamanaýı jáne halyqaralyq sapa men qaýipsizdik standarttaryna sáıkestendirýge múmkindik beredi», delingen Kólik mınıstrliginiń habarlamasynda.
Qostanaı oblysynda 6 temirjol vokzaly kúrdeli jóndeýden ótip jatyr