Qazaqstannyń Ekologııa jáne tabıǵı resýrstar mınıstri Zúlfııa Súleımenovanyń О́zbekstanǵa issaparynyń nátıjeleri boıynsha ózbek tarapymen Shardara sý qoımasyna sý aǵynyn - 200 m3/sek deıin ulǵaıtý týraly ýaǵdalastyqqa qol jetkizildi, dep habarlaıdy Egemen.kz atalǵan mınıstrliktiń resmı saıtyna silteme jasap.
Osy jylǵy 28 shildedegi jaǵdaı boıynsha saǵat 7:30-dan (Tashkent ýaqyty boıynsha) «Dostyq» bas qurylysynan Syrdarııa ózeniniń tusyna sý aǵyzý kólemi - 20 m3/sek júzege asyryldy. Sýdy aǵyzý «Aqjar» gıdropostyna («Bahrı Tochık» sý qoımasyna aǵyn) aǵynnyń ulǵaıýy jáne tıisinshe sý qoımasynan aǵynnyń ulǵaıýy esebinen júzege asyrylady.
Sonymen qatar ózbek tarapy «Dostyq» bas qurylysynan Syrdarııa ózeniniń tusyna aǵyzylatyn sý shyǵynyn 50 m3/sek deıin jetkizýge nıetti.
Sol kúni Charvak sý qoımasynan (Gazalkent GES) ótken kúnmen salystyrǵanda (osy jyldyń 27 shildesi) sý jiberý 290 m3/sek-ten 310 m3/sek deıin ulǵaıtyldy.
Alaıda bul sý kólemi Syrdarııa ózeniniń bógetinde sý aǵyzýdy júzege asyrý úshin jetkiliksiz jáne Chırchık ózeniniń basseıninde sýarý qajettiligi úshin sý sharýashylyǵy arnalary arqyly jiberiledi.
Aıta ketsek, osy jylǵy 27 shildedegi jaǵdaı boıynsha Charvak sý qoımasyndaǵy sý kólemi - 1936 mln m3 (eń joǵarǵy kólemi - 2006 mln m3.).