Kásipkerlikti qoldaý sharalary

Oblys basshysy shaǵyn jáne orta kásipkerlikti qoldaý jáne damytý maqsatynda ká­sip­kerlikti damytý jónin­de­gi Ulttyq joba aıasynda 180-nen asa jobanyń qol­daý tap­qa­nyn aıtyp, bul baǵyt­taǵy qarjylaı qoldaý ótken jylmen salystyrǵanda 40 pa­ıyzǵa óskenine toqtaldy. B.Ábdi­ǵalı­uly aldaǵy ýaqytta oblys­taǵy sharýa qojalyqtaryn qar­jy­landyrý úshin qosymsha qarajat bólý máselesin kóterdi. «QazAgroQarjy» AQ-nyń Ulytaý oblysy fılıalyn ashý da kún tártibinde tur.

Buryn monoqala bolyp esepteletin Jezqazǵan oblys ortalyǵyna aınalǵandyqtan, 2024 jyldan bastap bul «már­t­ebesinen» aıyrylady. Soǵan sáıkes monoqalalardaǵy kásip­ker­lerge beriletin salalyq shek­teý­lersiz jeńildikti nesıe alý múmkindigi toqtatylady. Bul qala kásipkerlerine birshama qolaısyzdyq týdyratyny anyq. Sondyqtan da oblys basshy­sy Jezqazǵan kásipkerlerin qoldaý úshin aýmaqtyq baǵdar­lama jasaý týraly usynys bil­dirdi. Q.Sharlapaev barlyq usy­nysqa túsinistik tanytyp, múm­kindiginshe máselelerdi oń sheshýdi qarastyratynyn aıtty.

Oblys ákimdigindegi kezde­sý­den soń «Báıterek» UBH» AQ basqarma tóraǵasy Q.Sharlapaev pen Ulytaý obly­sy­nyń ákimi B.Ábdiǵalıuly «Damý» kásipkerlikti damytý qorynyń keńsesin jáne «Ag­rar­lyq nesıe korporasııasy» AQ-nyń Ulytaý fılıalyn ashý saltanattaryna qatysty. Bul eki uıymnyń da aımaqtaǵy shaǵyn jáne orta bıznesti damytýǵa qosyp otyrǵan úlesi qomaqty. Aıtalyq, «Damý» qory arqyly qazir oblys boıynsha bıylǵy 7 aı merzimde jalpy nesıe somasy 9,7 mlrd teńge quraıtyn 211 joba qoldaý tapty. О́ńir­de­gi jumys istep turǵan shaǵyn jáne orta kásipkerlik sýbek­ti­leriniń sany 19 myńǵa jýyq. Mundaǵy bólshek taýar aına­ly­mynyń kólemi 45,4 mlrd teń­geni quraıdy. Endigi maqsat – kásipkerlerge odan ári qoldaý, kómek kórsetýdi ulǵaıta berý.

«Agrarlyq nesıe kor­po­ra­sııa­­sy» AQ Ulytaý fı­lıa­lynyń dırektory Ilııas Bekmaǵambetov nesıelendirý 4 baǵyt boıynsha júrgiziletinin aıtady. Onyń aıtýynsha, «Agro­bız­nes» baǵyty boıynsha oblys­ta quny 1,3 mlrd teńge quraıtyn 43 nesıe, «Isker» baǵytymen 352 mln teńgelik 73 nesıe berilgen. «Jas­tarǵa – shaǵyn nesıe» baǵyty 21-35 jas aralyǵyndaǵy jas kásip­ker­lerdi qoldaýǵa baǵyt­talǵan. Nesıe 5 mln teń­gege deıin 2,5 paıyzdyq mól­sher­le­memen beriledi. Búgingi tańda oblystyń 26 jas kásipkeri osy múmkindikti paıdalanyp, óz isin dóńgelete bastady. «Keń dala» baǵyty sharýalardy kóktemgi-kúzgi jıyn-terim kezinde qoldaý baǵytyn kózdeıdi.

«Men Mıbulaq aýyldyq okrýgine qarasty «Kóktóbe» sharýa qojalyǵyn basqaramyn. Osy qordyń kómegimen jeńildikti nesıe arqyly asyl tuqymdy mal satyp aldyq. Qazir sharýamyz jaqsy. Sondyqtan qordyń oblystaǵy fılıalynyń ashylýy sharýalardy nesıelendirý isinde tyń serpin beredi dep oılaımyn», deıdi bizben áńgimesinde oblystyq máslıhattyń depýtaty Gúlnáz Omarova.

Bıyl «Agrarlyq nesıe korporasııasy» AQ-nyń Ulytaý fılıaly 3,2 mlrd teńge kóleminde nesıelik qarjylandyrýdy júze­ge asyrýdy josparlap otyr. Eger ótken 7 aıda oblys boıynsha 1,8 mlrd teńgeden asa nesıe qarjylandyrylǵanyn eskersek, aımaqta atalǵan qordyń múmkindikterin paıdalanýǵa degen qushtarlyqtyń zor ekenin baıqaýǵa bolady.

«Qazir memleket tarapynan otandyq kásipkerlerdi qoldaýǵa barynsha mol múmkindik jasal­ǵan. Bizdiń kásipke den qoıǵan azamat­tarymyz «Damý», «Agrar­lyq nesıe korporasııasy» jáne t.b. qorlardyń múmkindikterin paı­dalanýǵa umtylýy qajet, biz halyqqa qarjylyq kózderdi kór­setip, túsindire bilýimiz kerek», degen Q.Sharlapaev aı­maq­tyń damýyndaǵy shaǵyn jáne orta bıznestiń úlesi ólsheý­siz ekenin aıryqsha atap kór­setti. Ol kásipkerliktiń memle­ket qoldaýy arqyly damıtynyna da nazar aýdardy.