QR Oqý-aǵartý mınıstrliginiń baspasóz qyzmeti málim etkendeı, balalardyń qaýipsizdigin qamtamasyz etý maqsatynda elimizdiń aımaqtaryna 415 jańa mektep avtobýsy jetkizildi, dep habarlaıdy Egemen.kz.
Bul oraıda Aqmola, Aqtóbe, Batys Qazaqstan, Qaraǵandy, Qostanaı, Túrkistan, Qyzylorda, Pavlodar oblystary mektepteriniń avtoparkteri tolyqtyrylǵan.
«Bıyl alǵash ret óńirlerdegi mektep oqýshylaryn tasymaldaý úshin bilim oshaqtaryn avtobýstarmen birjolǵy qamtamasyz etý mindeti jan-jaqty qaraldy. Eskirgen avtoparkti aýystyrý jáne avtokóliktiń sanyn kóbeıtý máselesi sheshildi. Qazir oblystyń jergilikti atqarýshy organdarymen birlesip qalǵan avtobýstardy óńirge jetkizý boıynsha tıisti jumystar júrgizilip jatyr», dep atap ótti vedomstvonyń baspasóz hatshysy.
Aıtalyq, jańa avtobýstar qaýipsizdik beldikteri taǵylǵan oryndyqtarmen, balalardy salonda qaldyrýdyń aldyn alý júıesimen, salonnyń artqy jaǵynda apattyq shyǵý jolymen, balalardy tasymaldaý prosesi kezderinde arnaıy shamdardyń tutanýymen jabdyqtalǵan.