Keıingi jyldary Qazaqstannyń taekvondoshylary tym súreńsiz óner kórsetip júrgeni belgili. Sońǵy eki álem chempıonatynan oljasyz oralýymyz – joǵaryda aıtylǵan sózimizdiń aıqyn dáleli.
Osy sport túriniń tizginin ustaǵan azamattar sodan tıisti qorytyndy shyǵaryp, jańa bastamalardy qolǵa aldy. Atap aıtsaq, qyrkúıek aıynda Qytaıda alaýy tutanatyn Azııa oıyndary qarsańynda olar Ońtústik Koreıadan kelgen maman Kım Kvang Sýdyń kómegine júginýdi jón kórdi. Ol – tájirıbeli jáne bilikti maman. Kezinde Chýnchon qalasynyń qurama komandasyn baptap, Fransııanyń ulttyq komandasyn jattyqtyrǵan Kım endi Qazaqstan quramasynda jattyqtyrýshy-keńesshi qyzmetin atqarady. Al tanymal sportshy, Azııa oıyndarynyń kúmis júldegeri, birqatar halyqaralyq týrnır jeńimpazy, London Olımpıadasyna qatysýshy Nursultan Mamaev aǵa jattyqtyrýshy bolyp taǵaıyndaldy.
Qazirgi kezde esimderi atalǵan mamandar óz jumystaryna kirisip te ketti.