Ǵylym jáne joǵary bilim mınıstri 2023 jylǵy 1 tamyzdaǵy «Qazaqstan Respýblıkasy Ǵylym jáne joǵary bilim mınıstrliginiń keıbir máseleleri týraly» buıryǵyn bekitti, dep habarlaıdy Egemen.kz.
Buıryqta eki joǵary oqý ornynyń ataýy ózgertildi.
Máselen, «Ońtústik Qazaqstan memlekettik pedagogıkalyq ýnıversıteti» KEAQ buıryǵymen «Ońtústik Qazaqstan pedagogıkalyq ýnıversıteti» KEAQ bolyp ózgertildi. Ýnıversıtetke О́zbekáli Jánibekovtiń esimi berildi.
Ýnıversıtetke О́zbekáli Jánibekov esimin berý joǵary oqý oryndarynyń professorlyq-oqytýshylyq quramynyń mártebesin arttyryp, Qazaqstan ǵalymynyń ýnıversıtet ǵylymynyń damýyna qosqan úlesin joǵary baǵalaıtynyn kórsetedi.
Sondaı-aq «A.Baıtursynov atyndaǵy Qostanaı óńirlik ýnıversıteti» KEAQ ataýynyń transkrıpsııasy «Ahmet Baıtursynuly atyndaǵy Qostanaı óńirlik ýnıversıteti» KEAQ bolyp ózgertildi.
Buıryq 2023 jyldyń 25 tamyzynan bastap qoldanysqa engiziledi.