Quqyq buzýshylyqtyń aldyn alyp, qylmystyq isti áshkere etýde beınebaqylaý kameralarynyń paıdasy zor bolyp tur.
Osy maqsatta Qaraǵandy oblysynda «Qaýipsiz qala» jobasy aıasynda qosymsha 133 beınebaqylaý kamerasy ornatylady. Jobany oblystyq aqparattandyrý, memlekettik qyzmetter kórsetý jáne arhıvter basqarmasy polısııa departamentimen birlesip júzege asyryp keledi. Jylǵa josparlanǵan «Qaýipsiz qala» jobasy 2021 jyly iske qosyldy. Búginde 2 859 kamera men 110 apparattyq-baǵdarlamalyq keshen ornatylǵan.
«Bıyl aýdan ákimderinen jáne turǵyndardan qosymsha kameralar men apparattyq-baǵdarlamalyq keshen ornatýǵa suranys paıda boldy. Biz jańa baǵdarlamany ákimshilik polısııa basqarmalary, Qaraǵandy oblysy polısııa departamentiniń jergilikti polısııa qyzmeti jáne Qaraǵandy qalasy polısııa basqarmasymen kelistik. Shilde aıynda 24 jyldamdyq ólshegish pen 133 beınebaqylaý kamerasyn ornatýǵa qarajat bólindi», deıdi «Qaýipsiz qala» jobasynyń menedjeri Pavel Ortner.
Qosymsha 133 qaýipsizdik kamerasy tamyz aıynyń sońyna deıin ornatylmaq. Bul – statıkalyq kameralar. Mamandar «qurylǵylar sýretke sapaly túsiredi» deıdi.
Tamyz aıynda qosymsha apparattyq-baǵdarlamalyq keshen iske qosyldy. Qaraǵandy, Temirtaý jáne Saran qalalarynda jańa jyldamdyq ólshegishter paıda boldy. Apparattyq-baǵdarlamalyq keshen alǵash ret Shahtınsk qalasynda ornatyldy. Turǵyndardyń ótinishi boıynsha Jol qozǵalysy erejelerin tirkeýdiń taǵy bir quraly Abaı aýdanyndaǵy Dýbovka aýylynyń mańyna qoıyldy. «Sonyń nátıjesinde bul jol ýchaskesinde jol qozǵalysy erejelerin buzý faktileri kúrt tómendedi», deıdi P.Ortner.
Qaraǵandy oblysy