Paýerlıftıngten Rýmynııanyń Klýj-Napok qalasynda ótip jatqan álem chempıonatynda jasóspirimder arasynda qazaqstandyq Nınel Ablaeva jeńiske jetti, dep habarlaıdy Egemen.kz.
Ǵylym jáne joǵary bilim mınıstrliginiń baspasóz qyzmeti usynǵan aqparatqa sáıkes, ulttyq qurama qorjynyna altyn medal salǵan Nınel Ablaeva - L.N. Gýmılev atyndaǵy EUÝ Áleýmettik ǵylymdar fakýltetiniń 2 kýrs stýdenti. Ol 57 keli salmaq dárejesinde úzdik dep tanylyp, halyqaralyq dárejedegi sport sheberi ataǵyn sátti qorǵady. Ol úsh jattyǵýda 400 kelini erkin baǵyndyryp, óz salmaq dárejesinde eń jaqsy nátıje kórsetti: otyryp kóterý – 155 kg, syǵymdap kóterý – 82,5 kg, julqa kóterý – 162,5 kg jáne halyqaralyq dárejedegi sport sheberi ataǵyn qorǵady.
Paýerlıftıng sportymen eki jyldan beri aınalysatyn N.Ablaeva byltyrǵy jyly ótken chempıonatta eki altyn medal jeńip alǵan edi.
Buǵan deıin EUÝ stýdenti tórt jyl qoıan-qoltyq urys boıynsha elimizdiń namysyn talaı jarystarda tabysty qorǵaǵan. Ol sporttyń bul túri boıynsha álemniń kúmis júldegeri jáne Azııa chempıony, sport sheberi ataǵyna ıe. Sondaı-aq qoıan-qoltyq jekpe-jekten sport sheberligine kandıdat.
Aıta ketsek, atalǵan álem chempıonatyna 55 elden 600-den astam 14 jas pen 23 jas aralyǵyndaǵy 600-den astam sportshy qatysýda.