Aıdarbek Saparov Aýyl sharýashylyǵy mınıstri bolyp taǵaıyndaldy, dep habarlaıdy Egemen.kz Aqordanyń baspasóz qyzmetine silteme jasap.
«Memleket basshysynyń Jarlyǵymen Aıdarbek Seıpiluly Saparov Qazaqstan Respýblıkasynyń Aýyl sharýashylyǵy mınıstri bolyp taǵaıyndaldy, ol burynǵy atqarǵan laýazymynan bosatyldy», delingen habarlamada.
Saparov Aıdarbek Seıpiluly 1966 jyly 12 maýsymda Soltústik Qazaqstan oblysynda dúnıege kelgen. Omby aýylsharýashylyǵy ınstıtýtyn (1992), Manash Qozybaev atyndaǵy Soltústik Qazaqstan memlekettik ýnıversıtetin (2006) zooınjener mamandyǵy, memlekettik basqarý bakalavry boıynsha támamdaǵan. «Qurmet», «Parasat» ordenderimen, «Astanaǵa 10 jyl» mereıtoılyq medalimen marapattalǵan.
1984 jyly - Soltústik Qazaqstan oblysynda sovhoz býhgalteri bolyp qyzmet atqardy.1992 - 1995 jyldary – zootehnık-oryndaýshy, Kalının atyndaǵy sharýashylyqtyń kommersııalyq dırektory.1995 - 2003 jyldary – «Noǵaıbaı» JShS bas dırektory.2003 - 2005 jyldary – «Azyq-túlik kelisim – shart korporasııasy» AQ Soltústik Qazaqstan oblystyq fılıaly dırektorynyń orynbasary.2005 - 2006 jyldary – «Azyq-túlik kelisim – shart korporasııasy» AQ Soltústik Qazaqstan oblystyq ókildigi dırektorynyń birinshi orynbasary.2006 - 2006 jyldary – Soltústik Qazaqstan oblysy boıynsha Qazaqstan Respýblıkasynyń Aýyl sharýashylyǵy mınıstrliginiń oblystyq aýmaqtyq basqarmasynyń basshysy.2006 jyly – Soltústik Qazaqstan oblysy boıynsha Qazaqstan Respýblıkasynyń Aýyl sharýashylyǵy mınıstrliginiń oblystyq aýmaqtyq ınspeksııasynyń basshysy.2006 - 2008 jyldary – Soltústik Qazaqstan oblysy Shal aqyn aýdanynyń ákimi.2008 - 2010 jyldary – Soltústik Qazaqstan oblysy Maǵjan Jumabaev aýdanynyń ákimi.2010 - 2011 jyldary – Soltústik Qazaqstan oblysy ákiminiń aýyl sharýashylyǵy jónindegi orynbasary.2011 - 2019 jyldary – Soltústik Qazaqstan oblysy ákiminiń birinshi orynbasary.2019 - 2022 jyldary - Aýyl sharýashylyǵy birinshi vıse-mınıstri.2022 jylǵy 1 jeltoqsannan bastap qazirgi ýaqytqa deıin Soltústik Qazaqstan oblysynyń ákimi qyzmetin atqardy.
Sondaı-aq Memleket basshysynyń Jarlyǵymen Erbol Shyraqpaıuly Qarashókeev Aýyl sharýashylyǵy mınıstri laýazymynan bosatyldy.