«Uly dala joryǵy» marafon-báıgesi máresine jetti. Bıylǵy dodanyń basty júldesin Jetisý oblysynyń komandasy oljalady, dep habarlaıdy Egemen.kz Joryq at sporty federasııasyna silteme jasap.
Marafon-báıgege qatysýshy 20 komandanyń arasynan 1300 shaqyrymdy tek 4 komanda ǵana aıaqtady. Jetisý oblysynyń shabandozdary jalpy ýaqyt kórsetkishi boıynsha oq boıy ozyq keldi. Ekinshi oryn Aqtóbe oblysynyń komandasyna buıyrsa, úshtikti Almaty qalasynyń komandasy túıindedi. Tórtinshi oryn Abaı oblysynyń shabandozdaryna buıyrdy.
Eki apta boıy attan túspeı 1300 shaqyrym jerdi basyp ótken shabandozdardy marapattaý rásimi búgin «Túrkistan arena» stadıonynda ótedi.