Túrkistan qalasynda Halyqaralyq qarttar kúni qarsańynda qaıyrymdylyq dúkeni ashyldy. Dúkenniń ashylý rásimine qala ákimi Nurbol Turashbekov qatysty. Igi iske bastamashy bolǵan oblystyq aqsaqaldar alqasynyń tóraǵasy Jarylqasyn Áziretbergenov atalǵan dúkenniń qyzmetin áleýmettik qoldaýǵa muqtaj ár otbasy paıdalana alatynyn aıtyp ótti, dep habarlaıdy Egemen.kz.
Merekelik is-shara aıasynda qarııalar muqtaj 77 otbasyǵa azyq-túlik sebetterin úlestirdi.
Oblys ákiminiń baspasóz qyzmeti málim etkendeı, qalada 15 myńǵa jýyq zeınetker bar. Túrkistan qalasynda zeınetkerlerdi qoldaý sharalary tıisti deńgeıde júrgizilip keledi. Byltyr qoldanysqa berilgen «Belsendi uzaq ómir súrý ortalyǵynda» medısınalyq, psıhologııalyq, quqyqtyq, aǵartýshylyq, eńbek jáne demalys baǵyttary boıynsha qyzmetter uıymdastyrylǵan. Ortalyq kúnine 60-70 azamatqa qyzmet kórsetedi, jyl basynan beri ortalyq qyzmetine 1284 adam júgingen.