Memlekettik keńesshi Erlan Qarınniń tóraǵalyǵymen Ál-Farabı atyndaǵy ǵylym men tehnıka jáne A.Baıtursynuly atyndaǵy gýmanıtarlyq ǵylymdar salasynda 2023 jylǵy Qazaqstan Respýblıkasynyń Memlekettik syılyqtaryn berý jónindegi komıssııanyń qorytyndy otyrysy ótti.
Memlekettik syılyqtardy alýǵa barlyǵy 13 jumys usynyldy. Aldyn ala irikteýden keıin ekinshi kezeńge 8 jumys ótti. Jumystardy qaraý jáne memlekettik ǵylymı-tehnıkalyq saraptamanyń qorytyndylaryn tyńdaý nátıjesi boıynsha komıssııa tıisti usynymdardy ázirledi.
Atalǵan syılyqtar ǵylym men tehnıka salasy qaıratkerleriniń eńbegin joǵary deńgeıde taný bolyp tabylady jáne bilimniń jańa salalaryn, bilimniń bir salasynda jańa baǵytty ashqan ǵylymı jańalyqtar, monografııalar men ǵylymı jumystar, tehnıkanyń, materıaldar men tehnologııalardyń jańa túrlerin óndirýdi ázirleý jáne uıymdastyrý, sondaı-aq ǵylymı, ǵylymı-tehnıkalyq jáne ınnovasııalyq qyzmettiń basym áleýmettik-ekonomıkalyq mindetterdi sheshýdi jáne memlekettiń básekege qabilettiligin arttyrýdy qamtamasyz etetin nátıjeler úshin beriledi.