Memleket basshysy Qasym-Jomart Toqaev Germanııaǵa resmı sapary barysynda Qazaqstannyń Reseımen qarym-qatynasyna qatysty «QazAqparat» agenttiginiń Berlındegi menshikti tilshisiniń saýalyna jaýap berdi, dep habarlaıdy Egemen.kz.
«Keıbir reseılik BAQ pen saıası qaıratkerler Germanııaǵa resmı saparyńyz barysynda Berlınde ótken baspasóz máslıhatyndaǵy málimdemelerińizge syn aıtty. Olar Qazaqstan Reseımen yntymaqtastyqtan alshaqtap, Batyspen jaqyn baılanys ornatyp jatyr dedi. Mundaı aıyptaýǵa ne aıtar edińiz?» dep surady tilshi.
«Qazaqstan álemde eń uzyn shekara biriktirip otyrǵan Reseımen jan-jaqty yntymaqtastyq baǵytyn berik ustanady. Sol baspasóz máslıhatynda aıtqanymdaı, bizde ártúrli salalarda, sonyń ishinde saýda jáne gýmanıtarlyq baılanystardaǵy yntymaqtastyqtyń burynnan qalyptasqan óz dástúri bar. Al, sanksııalarǵa keler bolsaq, BUU Bas Assambleıasynyń jaqynda ótken sessııasynda jáne basqa da sóılegen sózimde sanksııalyq teketires jahandyq daǵdarystyń shıelenisýi jaǵdaıyna ákeletinin aıttym. Osy rette Qazaqstanda sanksııalyq shekteýlerge jatatyn taýarlar joq ekenin atap ótkim keledi.
Sondaı-aq Qazaqstan Reseıge parallel ımportqa qatyspaıdy. О́tken jyly eki el arasyndaǵy dástúrli taýarlar saýdasynyń kólemi 25 mlrd dollarǵa jetti. Bul aıtarlyqtaı ósimdi bildiredi.
Jýyrda Astanada «Innoprom» kórmesi sátti ótti. Oǵan premer-mınıstr Mıhaıl Mıshýstın bastaǵan reseılik delegasııa qatysty. Dese de Qazaqstan sanksııalyq shekteýlerdi eskerýge májbúr jáne bul másele boıynsha tıisti halyqaralyq uıymdarmen baılanysty jalǵastyra beredi.
Osy múmkindikti paıdalana otyryp, dıplomattardy Reseı men Ýkraına arasyndaǵy beıbitshilik týraly kelissózder úshin ózara qolaıly negiz tabýǵa shaqyramyn. Bul óte mańyzdy, óıtkeni álem adamzat úshin qaýip tóndiretin qaqtyǵys jaǵdaıyna jaqyndady. Onyń saldary aýyr bolýy múmkin», dep jaýap berdi Qazaqstan Prezıdenti.
Eske salaıyq, keshe Qazaqstan Prezıdentiniń Germanııaǵa resmı sapary bastaldy. Sapar barysynda Memleket basshysy Qasym-Jomart Toqaev pen Germanııanyń Federaldy kansleri Olaf Shols baspasóz ókilderine brıfıng ótkizip, jýrnalısterdiń suraqtaryna jaýap berdi.
Eskertý: Prezıdent pikiri orys tilinen aýdarylyp berildi.