Prezıdent Qasym-Jomart Toqaev Qytaı Halyq Respýblıkasyna resmı saparmen bardy, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysyn Qurmet qaraýyly sap túzegen Beıjiń áýejaıynda QHR О́nerkásip jáne aqparat mınıstri Szın Chjýanlýn jáne basqa da laýazymdy tulǵalar saltanatpen qarsy aldy.
Eki kúndik resmı sapar barysynda Prezıdent Qasym-Jomart Toqaev QHR Tóraǵasy Sı Szınpınmen, QHR Memlekettik keńesiniń Premeri Lı Sıanmen jáne Búkilqytaılyq halyq ókilderi jınalysy Turaqty komıtetiniń tóraǵasy Chjao Leszımen kelissózder júrgizedi, sondaı-aq joǵary deńgeıdegi «Bir beldeý, bir jol» bastamasynyń III forýmyna qatysady.
Sonymen qatar Qasym-Jomart Toqaev Beıjiń Til jáne mádenıet ýnıversıtetiniń aýmaǵynda ornatylǵan Ábý Nasyr Ál-Farabı bıýstin saltanatty túrde ashady.
Odan bólek Prezıdent Q.Toqaev resmı sapar barysynda Qytaıdaǵy iri kompanııa basshylarymen birneshe kezdesý ótkizedi.