Keshe saǵat 10:49-da Aıagóz qalasy, Baraq batyr kóshesindegi jeke úılerdiń birinen órt shyqty. Oqys oqıǵa saldarynan 4 búldirshinniń ǵumyry qıyldy, dep habarlaıdy Egemen.kz.
Abaı oblysy ákimdiginiń habarlaýynsha, 6 adamnan turatyn qutqarýshylar brıgadasy saǵat 11:10-da jalyndy oqshaýlap, 11:24-te tolyq sóndirgen. Alaıda úıdiń ishinen tórt balanyń máıiti tabyldy.
Quzyrly organ ókilderi órttiń shyǵýy men balalardyń qaza bolý sebebine qatysty saraptama júrgizip jatyr.