Shymkentte Asar-2 shaǵynaýdanyndaǵy kópqabatty turǵyn úıdiń besinshi qabatynan 2003 jylǵy qyz qulap ketti, dep habarlaıdy Egemen.kz Otyrar.kz-ke silteme jasap.
Tótenshe jaǵdaılar departamenti oqıǵanyń abaısyzda bolǵanyn habarlady.
«29 qazan kúni saǵat 19:17-de «102» qyzmetinen habarlama tústi. Abaı aýdany Asar-2 shaǵynaýdanynda kópqabatty turǵyn úıdiń besinshi qabatynan abaısyzda páter ıesiniń 2003 jylǵy týylǵan qyzy qulap, ártúrli jaraqattarmen aýrýhanaǵa jatqyzylǵan. Oqıǵanyń mán-jaıyn polısııa departamentiniń qyzmetkerleri anyqtap jatyr», dedi Shymkent tótenshe jaǵdaılar departamenti daǵdarys jaǵdaılary basqarmasynyń jedel kezekshisi Álimjan Hadıdhanov.
Degenmen úlken bıiktikten qulaǵan qyz aýyr jaraqat almaǵan. Mamandar barlyq tekserýden soń ambýlatorııalyq em taǵaıyndaǵan.
«Anasynyń aıtýynsha, sol mańda júrgen er adamdar qyzyn qaǵyp alǵan. Sol sátte mańdaı jáne betiniń asfaltke urylǵanyn aıtady. Oqıǵa ornyna jedel járdem brıgadasy shaqyrylyp, oblystyq klınıkalyq aýrýhananyń qabyldaý bólimshesine jetkizilgen. Kezekshi dárigerlermen qaralyp, barlyq tekserýden ótti"», dedi oblystyq klınıkalyq aýrýhana hırýrgy Tımýr Turǵanbekov.