Memleket basshysy Qasym-Jomart Toqaev Fransııamen yntymaqtastyq qarym-qatynasty nyǵaıtý elimiz úshin mańyzdy ekenin atap ótti, dep habarlaıdy Egemen.kz.
«Búginde eki eldiń túrli saladaǵy yntymaqtastyǵy jańa deńgeıge kóterilip keledi. Fransııa Qazaqstannyń Eýropadaǵy óte mańyzdy jáne senimdi seriktesi. О́tken jyly ózara taýar aınalymy 30 paıyzǵa artyp, 4 mlrd dollarǵa jetti», dedi Qasym-Jomart Toqaev Fransııa prezıdenti Emmanýel Makronnyń Qazaqstanǵa sapary aıasynda.
Memleket basshysynyń aıtýynsha, osy jyldyń segiz aıynda ekijaqty taýar aınalymynyń kólemi ótken jylmen salystyrǵanda 21 paıyzǵa artyp, 2,7 mlrd dollarǵa jetken.
«Buǵan deıin Fransııa Qazaqstanǵa 18,7 mıllıard dollarǵa jýyq ınvestısııa salǵan. Birlesken jobalar energetıka, beıbit atom energetıkasy, taý-ken jáne hımııa ónerkásibi, mashına jasaý, qurylys materıaldary óndirisi, aeroǵarysh, farmasevtıka jáne basqa da salalarǵa qatysty. Budan bólek, basqa da birqatar mańyzdy jobalardy júzege asyrý josparlanyp jatyr. Bul jobalar búgin ótetin Qazaqstan-Fransııa bıznes forýmynda jan-jaqty talqylanady», dep qosty Q.Toqaev.