Qazaqstan Palestınaǵa qosymsha gýmanıtarlyq kómek kórsetýdi josparlap otyr. Bul týraly Saýd Arabııasynyń astanasynda elimizdiń Premer-mınıstriniń orynbasary - Syrtqy ister mınıstri Murat Nurtileý aıtty, dep habarlaıdy Egemen.kz.
Bir kún buryn Er-Rııadta Arab memleketteri lıgasy men Islam yntymaqtastyǵy uıymynyń kezekten tys birlesken sammıti ótip, oǵan qatysýshy elderdiń ókilderi Taıaý Shyǵystaǵy qazirgi jaǵdaıǵa qatysty óz ustanymdaryn bildirdi.
QR Premer-mınıstriniń orynbasary - Syrtqy ister mınıstri Murat Nurtileý Egıpettiń Gaza sektorynyń beıbit turǵyndaryna medısınalyq jáne gýmanıtarlyq kómek kórsetý dálizderin berý týraly sheshimin maquldaǵanyn málimdedi.
«Jaqynda ǵana bizdiń elimiz palestınalyq baýyrlastarymyzǵa bir mıllıon dollar berdi jáne biz qosymsha gýmanıtarlyq kómek kórsetýdi josparlap otyrmyz», dep qosty M.Nurtileý.