Astanada ótip jatqan 2024 jylǵy fýtboldan Eýropa chempıonatynyń irikteý matchynda Qazaqstan quramasynyń oıynshysy Islam Chesnokov San-Marıno quramasynyń qaqpasyna ekinshi golyn kirgizdi, dep habarlaıdy Egemen.kz.
Oıynnyń birinshi taımynda qazaqstandyqtar 1:0 esebimen jeńiske jetken bolatyn. Ekinshi taımnyń alǵashqy mınýttarynda ekinshi gol soǵyldy.
Aıta keteıik, Qazaqstan quramasy San-Marınomen oıynǵa kelesi qurammen shyqty:
Qaqpashy: Igor Shaskıı (№12); Qorǵaýshylar: Marat Bystrov (№4), Aleksandr Marochkın (№22), Sergeı Malyı (№2), (№18) Tımýr Dosmaǵambetov , Baǵdat Qaıyrov (№13); Jartylaı qorǵaýshylar: Ramazan Orazov (№20), Aleksandr Zýev (№19), Abzal Beısebekov (№21), Islam Chesnokov (№9); Shabýylshy: Abat Aıymbetov (№17).
Osy oıynǵa deıingi týrnırlerge keletin bolsaq, Qazaqstannyń 15 upaıy bolsa, Eýro-2024 irikteý jolyndaǵy basty básekelesteri Slovenııa men Danııa quramalarynyń árqaısysynda 19 upaıdan bar.
Aıtpaqshy, Danııa men Slovenııa jumadan senbige qaraǵan túni Kopengagende ózara oınaıdy.