Pavlodar oblysynda 17 qarasha kúni joǵalyp ketken 7 jasar qyzdyń máıiti tabyldy, dep habarlaıdy Egemen.kz.
Aqparatty oblystyq Polısııa departamenti rastady.
"О́kinishke qaraı, qyz qaza bolǵan. Balanyń denesi tabyldy. Izdestirý-qutqarý jumystary aıaqtaldy", - dep málimdedi Pavlodar oblysy Tótenshe jaǵdaılar departamenti.
Aıta keteıik, Pavlodar oblysynda17 qarasha kúni jeti jasar Mılana Davydova joǵalyp ketken edi. Izdestirý jumystaryna 500-den astam adam qatysty. Júzden astam avtokólik, sondaı-aq "Qazavıapas" tikushaǵy jumyldyryldy.
Polıseıler men qutqarýshylarǵa eriktiler men oblystyń alańdaýly turǵyndary kómektesti. Qyzdyń baǵdary barlyq aýmaqtyq bólimshelerge jáne jaqyn ornalasqan aýdandarǵa jiberildi. Oqıǵa ornyna oblystyq polısııa departamenti bastyǵynyń orynbasary bastaǵan tájirıbeli polısııa qyzmetkerlerinen jedel-tergeý toby jumyldyryldy.