Senattyń kezekti otyrysynda Úkimet basshysynan depýtat Janna Asanova kelesi jyldan bastap joıylatyn ulttyq jobalardyń nelikten qysqartylatynyn surady, dep habarlaıdy Egemen.kz joǵarǵy Palatanyń baspasóz qyzmetine silteme jasap.
Senator Premer-mınıstrden 2024 jyldyń 1 qańtarynan bastap toqtatylatyn ulttyq jobalarǵa artylǵan mindet qanshalyqty iske asqanyn surady.
«Úkimet tarapynan memlekettik josparlaý júıesin reformalaý boıynsha keshendi jumys júrgizildi. Tásilder ózgertilip jetildirildi. Endi ulttyq joba bolyp naqty áleýmettik-ekonomıkalyq máselelerdi sheshýge baǵyttalǵan qujat sanalady. Osy máselelerdi sheshý úshin tolyǵymen qarjylandyrylǵan qujat bolyp esepteledi. Osyǵan baılanysty úsh ulttyq joba bekitildi: «Qolaıly mektep», «Aýyldyq jerdegi densaýlyq saqtaýdy jańǵyrtý», «Qoljetimdi ınternet». Tıisinshe burynǵy 10 ulttyq joba qysqartyldy. Olardyń ishindegi ındıkatarlar, barlyq is-sharalar salalyq konsepsııalarynda jáne memlekettik organdarynyń damý josparlarynda eskerildi. Osylaısha túsinikti jáne sapaly baǵdarlamalyq qujattary qabyldandy. Olardy qarjylandyrý zańmen bektilgen tártippen júzege asyrylady. Osy baǵdarlamalyq qujattardyń iske asýynyń barysy Úkimettiń deńgeıinde qoǵam men bıznes ókilderiniń qatysýymen talqylanyp otyrady. Sonymen birge respýblıkalyq bıýdjettiń atqarylýy týraly jyl saıynǵy Úkimettiń esebi sheńberinde Parlamentte de qaralatyn bolady», dedi Á.Smaıylov.