Alıment tólemeýdiń negizgi sebebi – boryshkerlerdiń jumysqa ornalaspaýy, turaqty tabystyń bolmaýy. Bul týraly Bas prokýratýranyń baspasóz qyzmeti habarlady, dep jazady Egemen.kz.
«Jaǵdaıdy sheshý úshin kásipkerlerdi tarta otyryp 200-ge jýyq bos oryndar jármeńkesi uıymdastyryldy. Jumyspen qamtý organdarynda 20 myń jumyssyz boryshker esepke alyndy, onyń 9,5 myńy jumysqa ornalasty. 500-den astam túrli yntalandyrý sharalary ótkizildi (aksııa, reıd, áleýmettik rolık, bılbordtar jáne basqalar)», delingen habarlamada.
Sonymen qatar alıment óndirýden jaltarǵan 6 myńǵa jýyq boryshker ákimshilik jáne qylmystyq jaýapkershilikke tartyldy. 700 qadaǵalaý aktisi boıynsha tártiptik jazada 825 jeke sot oryndaýshy jazalandy.
«Júıeli jáne keshendi sharalar qabyldaý nátıjesinde problemalyq is júrgizýlerdiń sanyn úshten birge deıin qysqartýǵa múmkindik berdi nemese 75 myńnan 50 myńǵa deıin. 140 myń balanyń paıdasyna 23 mlrd teńgege qaryz óteldi, sonymen qatar qaryz esebine boryshkerlerdiń 322 múlki óndirip alýshylarǵa berildi. Búginde qaryz somasy 22 mlrd teńgeni quraıdy», dep jazdy Bas prokýratýranyń baspasóz qyzmeti.