30 qarasha kúni «Astana» fýtbol klýby óz alańynda horvatııalyq «Dınamo» Zagrebti qabyldaıdy. Konferensııa Lıgasy aıasyndaǵy irikteý týrynyń matchy Astana ýaqytymen 21:30-da bastalady, dep habarlaıdy Egemen.kz.
«Astana» - «Dınamo» (Zagreb) matchyn «Qazsport» telearnasy tikeleı efırde kórsetedi.
«Astana arenada» ótetin oıynǵa jankúıerler yńǵaıly jetý úshin CTS kólik kompanııasy qalada qatynaıtyn birqatar baǵyttyń júrý ýaqytyn uzartty.
«Fýtbol jankúıerlerine yńǵaıly bolý úshin qalalyq № 10, 12, 26, 37, 40, 49, 51, 53, 60 jáne 303 qala mańy baǵdarlarynyń júrý ýaqyty uzartylady. Osylaısha, jankúıerler oıyn aıaqtalǵannan keıin mejeli jerge kedergisiz jete alady», delingen kompanııa habarlamasynda.
Aıta keteıik, «Astana» - «Dınamo» arasyndaǵy alǵashqy match qyrkúıek aıynda Zagrebte ótken bolatyn. Atalǵan oıynda otandyq klýb qarsylastarynan 5:1 esebimen jeńilgen edi.