At jalyndaǵy aıqas

Atalǵan dodaǵa Almaty oblysynyń 7 aýdanynan 100-ge jýyq sportshy jas­tar qa­­tysyp, ulttyq at spor­ty­nyń aýdaryspaq, jamby atý, kók­­par tartý, teńge ilý túr­leri boıynsha ózara synǵa tústi. Bul dúbirli jarys­ty ta­­qymdaǵy júırik te túısin­gen­deı, aýyzdyqpen alysa, býy burqyrap, sát saıyn adymy ashyla berdi.

Ulttyq at sportyn ta­ma­shalaýǵa kelgen jan­kúıer­lerdiń de delebesi qozyp, qıqýǵa qıqý qosty. Kómbeni aınalǵan kókparshylardyń epti qımyly olardyń jas ta bolsa shıryqqan shymyr ekendikterin ańǵartty. Qazandyqqa salym salýǵa um­tylǵan komandalar arasynda Talǵar aýdanynyń júrekti de bilekti kókparshylarynyń sheber­likterinde shek bolmady. Tartysty oıyn nátıjesinde olar eshkimge des bermesten, 1-oryn aldy.

Al jarysqa eki-úsh qyr asyp kelgen Kegen men Ra­ıym­bek aýda­ny­nyń kókpar­shylar komandasy da myq­tylyqtaryn dáleldeı kele, júldeli 2 jáne 3-oryndardy qanjyǵalaryna baılady.

Oblystyq chempıonatta aýda­ryspaq oıyny da óz dáre­jesinde ótti. Bul básekede 9 salmaq dárejesinde jeńim­paz­dar anyqtaldy. Olardyń kósh­basynda Raıymbek aýda­nynyń apaıtós balýandary teńdessiz óner kórsetip, kó­rer­mender qoshemetin ıelendi. Taýly óńir­diń namysyn qorǵaǵan Talaý Dosjan, Toq­tarǵazy Qurmet, Almas Tó­kenuly, Abyljan Ádilet, Eljas Sherhan, Nurǵaıyp Er­aly, Ábitaı Suńǵat esimdi ba­lýandarǵa eshkim teń kel­medi. Sonyń arqasynda olar at teńselgen aýdaryspaq oıy­nynyń bas júldesin esh qıyn­dyqsyz jeńip aldy.

At qulaǵynda oınaǵan sport­shylardyń nysana kózdeýdegi dál­digi men eptiligi jamby atýdyń has sheberi ekendikterin kórsetti. Jarystyń bul túrinde Eńbekshiqazaq aýdanynyń sport­shysy Erbolat Naruly qarsylastarynan qara úzip, jeńimpaz atandy. 2-orynǵa Qa­rasaı aýdanynyń namysyn qorǵaýshy Nursultan Bir­lik­baev taban tirese, 3-oryndy Eń­bek­shiqazaq aýdanynyń sport­shysy Madııar Sháripbaı ıe­lendi.

Teńge ilýde de sportshy jas­tar eptiliktiń úlgisin kórsetti. Qustaı ushqan júıriktiń baýyryna iline, teńge túıilgen oramaldy ilip áketýdegi she­berlikteri kópshilikti tánti et­ti. At sportynyń bul túri bo­­­­ıyn­­sha da Eńbekshiqazaq aýda­­­nynyń komandasy oq boıy ozyq shyqty.

Oblystyq chempıonatta jalpykomandalyq esep boıynsha Raıymbek aýdany 1-orynǵa, Eńbekshiqazaq aýdanynyń sport­shylary 2-orynǵa turaq­tasa, Kegen aýdanynyń ko­man­­dasy 3-oryndy ıelendi. «Ata­dan balaǵa mıras bolǵan ult­tyq at sporty – jelkildeı ósken jastardy tózimdilik pen eptilikke, shymyr bolýǵa, eń bastysy, otanshyldyqqa tár­bıeleıdi. Búgingi chempıonatty uıymdastyrýdaǵy maqsat – aldaǵy respýblıkalyq, halyq­aralyq jarystarǵa qatysatyn ulttyq quramanyń quramyn aıqyndap, shyn myqtylardy irikteý», deıdi Almaty oblys­tyq jastar quramasynyń bas bapkeri Derbis Baıdildaev.

Almaty oblysy