Batysta ornalasqan qos qalanyń jolaýshylary poıyz qatynasynan birsypyra qıyndyq kórip kelgen edi. Atyraý jáne Aqtóbe arqyly tasjolmen saǵattap kútip poıyz joldyń retin tappaı, qolaısyzdyqqa tap bolatyn.
Onyń ústine aýa raıynyń qubylmaly kezderinde eki araǵa kólikpen qatynaýdyń da kúrdeli tustary kóp. Ásirese qystyń kózi qyraýda taıǵanaq jolmen júrýdiń jol apatyna uryndyrý yqtımaldylyǵy da joǵary edi. Endi atalǵan jańa baǵyt arqyly jolaýshylar bul qıyndyqtan da túpkilikti qutylatyn boldy.Táýelsizdik merekesi qarsańynda qos qala arasyna, ıaǵnı Oraldan Aqtaýǵa jolaýshylar poıyzy júre bastady.
– Buǵan deıin Batys Qazaqstan oblysyna baratyn mańǵystaýlyq jolaýshylar áýeli Aqtóbege jetip, keıin «Aqtóbe – Oral» poıyzyna otyratyn. Endi tike júredi, poıyzdar taza, jyly. Vagondar Qytaıda qurastyrylǵan, barlyq jaǵdaıy jasalǵan, – deıdi «Jolaýshylar tasymaly» Mańǵystaý teliminiń bastyǵy Qalıolla Sahıev.
Poıyz quramy asa úlken emes, 8 vagonnan turady. Aqtaýdan Oralǵa árbir aıdyń jup kúnderinde júrip, eki aralyqqa 35 saǵat 47 mınýt jumsalady. Bılet quny da asa qymbat emes, 8000 teńgeden bastalady.
Bul táýelsizdik merekesine oraı jolaýshylarǵa ýaqyttan utylmaýǵa jáne jol qaýipsizdigin saqtaýǵa jasalǵan jaǵymdy jańalyq boldy.
Mańǵystaý oblysy