Jumys oryndary ashylady

Mańǵystaý oblysynyń ákimi Nurlan Noǵaev «Qalamqas-teńiz, Hazar» jáne Áýezov ken oryndaryn ıgerýge ja­ýapty «Kalamkas – Khazar Operating» kompanııasynyń basshylyq quramymen kezdesti. Kezdesýge kompanııanyń bas dırektory Qurmanǵazy Isqazıev jáne jobanyń áleýetti seriktesteriniń ókilderi, «Kalamkas-Khazar Operating» JShS bas dırektorynyń birinshi orynbasary Andreı Reshetnev, «KCOI» Rosetti Marino» JShS atqarýshy dırektory Mırko Borgezı, Ilf/Doris JShS satý jáne marketıng jónindegi vıse-prezıdenti Bardon Fransýa, GPS «Oiltec» JShS jáne «Global Process Systems» konsorsıýmynyń basshysy Braýnhıll Martın qatysty. Sondaı-aq «MRTS» AQ bas dırektory jáne aksıoneri Vladımır Dýrnın, «CNGS Engineering Ltd» aksıoneri Sergeı Vander, «Ersai» JShS bas dırektory Pak Artýr, «ILF Kazakhstan consulting engineers» JShS bas dırektory Talǵat Temirjanov, «QazMunaıGaz» UK» AQ iri munaı-gaz jobalary departamentiniń bólim bastyǵy Álibek Jaıqanov qatysty.

Kaspıı teńiziniń Qazaqstan sektorynda ornalasqan «Qalamqas-teńiz, Hazar jáne Áýezov» ken orny strategııalyq ma­ńyzǵa ıe. 1707,17 sharshy metr aýmaqty alyp jatqan iri qazba orny. Ony paıdalaný quqyqtaryna baılanysty 2023 jyly qańtarda Energetıka mı­nıstrligi men «Qazmunaıgaz UK» AQ arasyndaǵy tikeleı kelisim júrgizildi. Is barysynda 2023 jyly aqpan aıynda «Kalamkas – Khazar Operating» kompanııasy qurylyp, Energetıka mınıstrligi men «Qazmunaıgaz UK» AQ ózara ken ornynda 45 jyl munaı óndirý týraly kelisimge qol qoıdy.

«Kalamkas-Khazar Operating» JShS bas dırektorynyń birinshi orynbasary A.Reshetnev «Qalamqas-teńiz jáne Hazar» ken ornyn aldyn ala bazalyq joba­­laý aıaqtalǵanyn, Teńiz platformasy­nyń qurylysyn 2024 jyldyń sońynda bas­taý jáne joba aıaqtalǵan soń jyly­na 4 mln tonna munaı óndirý josparlanǵa­nyn aıtty.

– Mundaı joba Mańǵystaý oblysynda alǵash ret júzege asyrylyp jatyr. Biz qury­lys barysynda eki myń jumys ornyn qurýdy kózdep otyrmyz, al qurylys aıaqtalǵannan keıin 300-ge deıin adam turaqty jumyspen qamtamasyz etiledi. Bizdiń maqsatymyz – jobany 2028 jyldyń ekinshi toqsanynyń so­ńynda nemese 2029 jyldyń birinshi toq­sanynyń basynda aıaqtaý. Biz sondaı-aq ken ornynda jumys isteıtin jas maman­dardy oqytýdy josparlap otyrmyz, – dedi Andreı Reshetnev.

Bul ken ornyndaǵy munaı resýrs­tarynyń jalpy qory 81 mıllıon tonnaǵa baǵalanady. «Qalamqas-teńiz» jobasy sheńberinde jaǵalaýdan 64 shaqyrym qashyqtyqta metall konstrýksııalardan teńiz platformalaryn qurý kózdeledi. «Qalamqas-teńiz, Hazar jáne Áýezov» ken oryndaryn ıgerý jónindegi joba sheńberinde 6 mıllıard dollar kóleminde tikeleı ınvestısııalar tartý josparlaný ústinde. Reseılik «Lýkoıl» munaı kompanııa­sy osy jobada sheteldik stra­tegııalyq seriktes bolady.

– Memleket basshysy Qasym-Jomart Toqaev jaqynda el ekonomıkasyna ınvestısııalar tartý jónindegi jumystyń tıimdiligin jaqsartý sharalary týraly Jarlyqqa qol qoıdy. Bul otandyq jáne sheteldik ınvestorlar júzege asyratyn ın­vestısııalyq jobalardyń osy óńirdiń ǵana emes, búkil eldiń ekonomıkalyq áleýetin art­tyrýdaǵy mańyzdylyǵyn kórsetedi. Bul joba sheshýshi ról atqarady, men oǵan jaýap­kershilikpen qaraýǵa shaqy­ramyn. Bola­shaq qatynastardy jaq­sartý úshin bar­lyq qajetti qadamd­ardy, sonyń ishinde eko­lo­gııalyq zańnamany saqtaýdy, tyǵyz ju­mys baılanystaryn damytýdy jáne ón­diris­tik qaýipsizdikke jaýapty bolý kerek ekenin aıtqym keledi. Biz bilik­tiligi joǵary jergilikti mamandardy tartý­ǵa, sondaı-aq qosymsha daǵdylardy qa­jet etetinderdi daıar­laý men oqytýǵa umty­la­myz, – dedi aımaq basshysy Nurlan Noǵaev.          

Mańǵystaý oblysy