Tanymal ánshi, qazaqtyń brendi, maqtanyshymyz Dımash Qudaıbergen «Vırtýozı» teleshoýynda ataqty tenor Plasıdo Domıngomen birge qazylar quramyna engenin maqtanyshpen jazdy. Bul týraly ánshi Instagram-daǵy paraqshasynda jazba jarııalady.
«1999 jyly úıde uly tenordyń konsertiniń 3 kassetasy bolatyn. Sodan jyldar ótken soń uly Plasıdo Domıngomen birge Eýropadaǵy eń qyzyqty «Vırtýozı» teleshoýynyń qazylar alqasynyń múshesi bolyp jumys isteıtinimdi elestete de almadym. Bul jas talantty saıyskerlerge naǵyz juldyz bolýǵa tamasha múmkindik. Barlyq saıyskerge jáne qazylar alqasyna sáttilik tileımiz. Plasıdo Domıngo, shaqyrtýyńyz úshin rahmet», dep jazdy Dımash Qudaıbergen.