Kelesi jyldyń 19 qańtary men 1 aqpan aralyǵynda Ońtústik Koreıada ótetin jasóspirimderdiń qysqy Olımpıadasyna qansha joldama buıyrǵany belgili boldy, dep habarlaıdy Egemen.kz Týrızm jáne sport mınıstrliginiń baspasóz qyzmetine silteme jasap.
Ońtústik Koreıanyń Kanvondo provınsııasyndaǵy Kannyn qalasynda ótetin IV qysqy jasóspirimder Olımpıadasyna ázirge 30 joldama enshimizde.
«2012 jyldan beri uıymdastyrylyp kele jatqan jasóspirimderdiń dúbirli dodasyna elimizdiń sportshylary bıyl tórtinshi márte qatyspaq. Qazirgi tańda Qazaqstan jasóspirimder quramasynyń qorjynynda bıatlon, konkımen júgirý, short-trek, kerlıng, shaıbaly hokkeı, shańǵy jarysy, shańǵymen tramplınnen sekirý, shańǵy qossaıysy, taý shańǵysy, frıstaıl parallel mogýl túrinen joldama bar. Dese de, joldama sany áli de tolyǵa túsýi múmkin. О́ıtkeni jasóspirimder Olımpıadasyna lısenzııa beretin jarystar jalǵasyn tabady», dep jazylǵan aqparatta.
IV qysqy jasóspirimder Olımpıadasynyń ashylý saltanaty 2024 jyldyń 19 qańtarynda Kannyndaǵy Gangneuung Oval sport kesheninde ótse, Oıyndardyń jabylý saltanaty 2024 jyldyń 1 aqpanynda Gangneung Olympic Park sport kesheninde uıymdastyrylmaq.