Bıyl qazan aıynda ótken otandastar forýmyna qatysýshylarǵa arnalǵan sezde Prezıdent: «Biz shetelde turatyn qandastarymyzdy qoldaýǵa qashanda mán beremiz. Olardyń tarıhı Otanyna qonys aýdarýyna tolyq jaǵdaı jasalǵan», degen edi. Qazaqstanǵa kindik qany atajurttan tys jerde tamǵanymen, Qazaqstanǵa oralýdy ańsap júrgen qandastar áli de kóp. Máselen, Atyraý oblysyna 1 jeltoqsanǵa deıin shetelden 212 otbasy kóship keldi. Qazaqstanda turaqty turý maqsatymen oralǵan 272 etnostyq qazaqqa qandas mártebesi berildi.
Oblystyq jumyspen qamtýdy úılestirý jáne áleýmettik baǵdarlamalar basqarmasy baspasóz qyzmetiniń málimetine súıensek, atamekenge kóship kelgen qandastardy ýaqytsha ornalastyrý ortalyǵy ashylǵan. Munda qoldaýdyń barlyq túri kórsetiledi.
Atamekenge oralysymen munaıly óńirdi tańdaǵan qandastardyń basym bóligi – 171 otbasyndaǵy 218 qazaq buryn О́zbekstanda turǵan. Reseı Federasııasynan 35 otbasy (44 adam), Qytaı Halyq Respýblıkasynan bir otbasy (bir adam), Túrikmenstannan úsh otbasy (jeti adam) jáne Mońǵolııadan eki otbasy (eki adam) oralyp otyr. Qandastardyń arasynan 180 otbasy Atyraý qalasyna qonystanýǵa nıet bildiripti. Al Jylyoı aýdanyna – 27, Maqatqa – 4, Inder aýdanyna bir otbasy kóship barǵan.
О́ńirde atamekendi ańsap jetken qandastardyń baspanamen qamtylýyna da qoldaý kórsetilip otyr. Qazir turǵyn úı kezeginde 43 qandas tirkeýde tur. Jumyspen qamtý ortalyqtarynda 22 qandas jumyssyz retinde tirkeldi. Turaqty jumysqa bir qandas ornalasty. Jumyssyzdar esebine alynǵan tórt qandas «Bastaý Bıznes» jobasymen arnaıy oqytý kýrsynan ótip, sertıfıkat alǵan.
Atyraý oblysy