Palata spıkeri Erlan Qoshanovtyń tóraǵalyǵymen Májilis bıýrosy ótip, aldaǵy jalpy otyrystyń kún tártibi naqtylandy.
Birinshi oqylymda depýtattarǵa Bıýdjet kodeksiniń jobasyn qaraý usynylady. Sondaı-aq bıýdjet zańnamasyn jetildirý jáne «Konsessııalar týraly» zańnyń kúshi joıyldy dep taný týraly túzetýler qaralady. Zań jobalary Memleket basshysynyń 2022 jylǵy 1 qyrkúıektegi Joldaýyn iske asyrý maqsatymen ázirlendi. Olar neǵurlym tıimdi jáne ashyq bıýdjet júıesin qurýǵa, bıýdjet prosesine qatysýshylardyń ókilettikteri men mindetterin naqtylaýǵa jáne aıqyndaýǵa, bıýdjet rásimderin retke keltirýge baǵyttalǵan.
Parlament depýtattarynyń bastamasyn ázirlengen jaıylymdardy paıdalaný týraly zań jobasy ekinshi oqylymda talqylanady.
Sonymen qatar jalpy otyrystyń kún tártibinde EAEO týraly shartqa elektrondyq nysanda qyzmetter kórsetý kezinde janama salyqtar alý tártibin aıqyndaý týraly hattamany ratıfıkasııalaý týraly zań jobasy bar.
Depýtattar sondaı-aq kásipodaqtar týraly jańa zań jobasyn, QHR, TMD jáne EAEO aıasynda birqatar halyqaralyq shartty ratıfıkasııalaý týraly qujattardy jumysqa qabyldaıdy.