Azııadaǵy ózara is-qımyl jáne senim sharalary jónindegi keńeske (AО́SShK) Saýd Arabııasy baqylaýshy memleket retinde qosyldy. Bul – Azııadaǵy beıbitshilik pen qaýipsizdikti ilgeriletý jolynda qurlyqtaǵy basty uıymnyń geografııasy odan ári damýyndaǵy mańyzdy kezeń.
Saýd Arabııasynyń baqylaýshy mártebesin alý týraly ótinishi 2023 jylǵy 12 jeltoqsanda ótken AО́SShK laýazymdy tulǵalar komıtetiniń otyrysynda aldyn ala maquldandy. Atalǵan elge baqylaýshy mártebesin berý týraly sheshimdi 26 jeltoqsanda AО́SShK mınıstrler keńesi qabyldady.
Saýd Arabııasy – Parsy shyǵanaǵy elderiniń biri. Qazirgi tańda AО́SShK-ge óńirdegi Bahreın, Qatar, Kýveıt jáne BAÁ sekildi birqatar memleket múshelikke ótken. Saýd Arabııasy Koroldiginiń baqylaýshy mártebesi AО́SShK-degi qosalqy aımaqtyń ókildigin odan ári ulǵaıtady. Osylaısha, Azııadaǵy yntymaqtastyqty keńeıtedi.
Atalǵan memleket Azııada jáne búkil álemde kópjaqtylyqty ilgeriletýge belsendi túrde úles qosyp keledi. Búginde Saýd Arabııasy ártúrli halyqaralyq uıymdarǵa, sonyń ishinde AО́SShK baqylaýshy uıymy sanalatyn Arab memleketteri lıgasyna (LAS), sondaı-aq Islam Yntymaqtastyq Uıymyna (IKU) jáne Munaı eksporttaýshy elder uıymyna (OPEK) qosylǵan.
Saýd Arabııasynyń AО́SShK baqylaýshy-memleketi bolýǵa umtylysy jahandyq jáne aımaqtyq syn-qaterlerdi sheshýdegi ujymdyq kúsh-jigerdiń mańyzyn kórsetedi. Aımaqtyń halyqaralyq uıymshyldyqty biriktirýge degen ortaq umtylysyn aıǵaqtaıdy.
Keıingi úsh jylda AО́SShK geografrııasy aıtarlyqtaı ósti: Kýveıt 2022 jyly múshelikke ótti. Túrikmenstan 2021 jyly baqylaýshy atandy. Eýrazııalyq ekonomıkalyq odaq 2022 jyly seriktes uıym boldy. Uıymnyń keńeıýi óte jaǵymdy oqıǵa jáne onyń jalpyazııalyq uıym retinde odan ári damýynda mańyzdy.