Ulttyq ekonomıka mınıstrliginiń málimeti boıynsha, 2023 jyldyń 11 aıynda jalpy sýbsıdııalaý quraly aıasynda 9 myńnan astam kásipker jalpy somasy 680 mlrd teńgeni quraǵan nesıemen qamtamasyz etilgen. «Memleket tarapynan kepildeme berý» quraly boıynsha 7 myńǵa jýyq kásipker 270 mlrd teńgege nesıe alǵan. 370-ke jýyq kásipkerge 1,4 mlrd teńge grant berilgen jáne jetispeıtin ınfraqurylym boıynsha memleket tarapynan 23 jobaǵa qoldaý kórsetilipti.
Kásipkerlikti memlekettik qoldaý jáne qorǵaý departamentiniń dırektory Nurbol Janabekovtiń málimetinshe, qazirgi ýaqytta óńdeý ónerkásibine, azyq-túlik óndirisine, argoónerkásip keshenindegi qaıta óńdeýge basa nazar aýdarylyp otyr.
«Memleket basshysynyń Joldaýy aıasynda baǵdarlamany jetildirip jatyrmyz. «Bıznestiń jol kartasy» baǵdarlamasyn «Qarapaıym zattar ekonomıkasy» baǵdarlamasymen biriktirip, óńdeýshi ónerkásipke basymdyq berilmek», deıdi. Vedomstvo ókiliniń aıtýynsha, memlekettik qoldaý sharalarymen kreatıvti ındýstrııa jobalary da qamtylǵan.
«Biz usynǵan qoldaý quraldary ınvestısııalaýdy nemese operasııalyq shyǵyndardy jabýdy qajet etetin kásipkerlerge baǵyttalǵan. Biz mólsherlemelerdiń qazir aıtarlyqtaı joǵary ekenin bilemiz. Bankterdiń qarjy quraldaryn paıdalana alatyn bıznes kóp emes. Baǵdarlamanyń sharttaryna sáıkes kelse, kásipker «Damý» qoryna júgine alady, al biz paıyzdyq mólsherlemeniń bir bóligin sýbsıdııalaımyz. Bankke óziniń bıznes-jobasymen júgingen, biraq kepilmen qamtamasyz etýdiń jetkiliksizdigine tap bolǵan nemese banktiń kepil saıasatyna sáıkes kelmeıtinder úshin de qor tarapynan kómek bar. Atap aıtqanda, suralǵan nesıe somasynyń 85 paıyzyna deıin kepil bola alady jáne kásipker usynǵan jobasyn tolyq kólemde qarjylandyra alady», dep túsindirdi «Damý» kásipkerlikti damytý qory» AQ Astana qalasy boıynsha óńirlik fılıalynyń dırektory Svetlana Nazarıýk.
Nurbol Janabekov sońǵy jyldary shaǵyn jáne orta bıznestiń damýynda belsendilik baıqalady, ótken jylmen salystyrǵanda, jumys istep turǵan kásipkerler sany 18 paıyzǵa ósip, 2,41 mıllıon boldy deıdi.
«Osy salada jumyspen qamtylǵandar sany 13,5 paıyzǵa ósti jáne 4,272 mln astam adamdy qurady. О́nim shyǵarý kólemi byltyrmen salystyrǵanda jalpy 23 paıyzǵa ulǵaıyp, 28,7 trln teńge boldy. Mundaı kórsetkishterge memlekette júzege asyrylyp jatqan qarjylyq jáne qarjylyq emes baǵdarlamalar yqpalyn tıgizýde. Bul baǵdarlamalardy salalyq memlekettik organdar men operatorlar júzege asyrady», dedi spıker.
Aıtýynsha, sýbsıdııalaý arqyly jeńildetilgen nesıe, ishinara kepildeme jáne qaıtarymsyz memlekettik granttar berý, aqparattyq-konsýltasııalyq qyzmetter, kásipkerlik qyzmetti júrgizýge servıstik qoldaý kórsetý, iskerlik baılanystar, kásiptik oqytý sııaqty qarjylyq emes qoldaý túrleri júzege asyrylady.
«Sýbsıdııalaý – suranysqa ıe qural. Bul jeńildetilgen nesıe alýǵa baǵyttalǵan. Iаǵnı kásipker 21 paıyzben nesıe alsa, onyń 13 paıyzy sýbsıdııalanyp, 8 paıyzben, aýyldyq jerlerde 7 paıyzben jeńildetilgen nesıe beriledi. Jeńildetilgen nesıe 3 mlrd teńgege deıin 5 jylǵa beriledi. Budan basqa, sýbsıdııa «Qarapaıym zattar ekonomıkasy» baǵdarlamasynda da bar. Nesıeler 8 paıyzben, qyzmetter salasyna 10 paıyzben 5 jylǵa deıin beriledi», dedi.
Jyl basynan beri shaǵyn jáne orta bıznes sýbektileri 1,4 mlrd teńge somasyna 364 grant alypty. Sonymen qatar 2021-2025 jyldarǵa arnalǵan kásipkerlikti damytý jónindegi ulttyq jobaǵa qatysýshylardyń da belsendiligi joǵary. 1 jeltoqsandaǵy jaǵdaı boıynsha ulttyq jobaǵa 686,2 myń adam qatysqan. 488,2 myń adam jumysqa ornalasyp, onyń 292,3 myńy turaqty tabys kózin tapqan.