Elimizdiń barlyq óńirinde qoǵamdyq kólikte jol aqysyn elektrondy túrde tóleýge kóshý úrdisi aıaqtaldy. О́nerkásipti damytý qory arqyly bıyl óńirlerde qalalyq avtobýstardy jańartýǵa jeńildikti lızıng tetigi iske qosylǵan bolatyn, dep habarlaıdy Egemen.kz Kólik mınıstrligine silteme jasap.
Nátıjesinde avtobýs parkterine 2,5 myń kólik, onyń ishinde 774 ekologııalyq taza avtobýs jetkizilip, tozý deńgeıin 13 paıyzǵa deıin tómendetken (46% - dan 33% - ǵa deıin).
Sondaı-aq bıyl barlyq óńir boıynsha qalalyq avtobýstar elektrondy jol aqysyn tóleýge kóshti. Avtobýstardy onlaın rejımde tolyq dıspetcherlik súıemeldeý – aıaldamalarǵa avtobýstardyń kelýi arasyndaǵy eń uzaq aralyqty 20 mınýtqa deıin qysqartsa, aldaǵy ýaqytta 15 mınýtqa deıin azaıtý mindeti tur.
Aıta ketsek, ótken jyldarmen salystyrǵanda bıyl jolaýshylar sany 9%-ǵa artyp, 1,5 mlrd jolaýshyny quraǵan.