Astanada patrýldik polıseıler er adamnyń ómirin saqtap qaldy, – dep habarlaıdy Egemen.kz tilshisi Polisia.kz saıtyna silteme jasap.
28 jeltoqsan kúndizgi ýaqytta patrýldik polısııa qyzmetkerleri Oljas Altynbekov pen Nurlan Baýyrjanov patrýldeý kezinde, Taraz kóshesi men Jangeldın kóshesiniń qıylysynda trotýarda jatqan er adamdy kórgen.
Jaǵdaıdy baǵalaı otyryp, kapıtan Altynbekov ustamasy bastalǵan naýqasqa alǵashqy medısınalyq kómek kórsetýge kirisedi. Dárigerler kelgenge deıin polısııa qyzmetkeri kómek kórsetýdi jalǵastyryp er adamnyń tynys alý joldaryna aýanyń erkin jetýin qamtamasyz etken.
Sóıtip jedel járdem kelgenge deıin polısııa qyzmetkerleri zardap shekken adamnyń janynda bolǵan. Kelgen jedel járdem kóligimen 30 jastaǵy er adam medısınalyq mekemege jedel jóneltilgen.
Qoldan kelgen kómegin kórsetken patrýldik polısııa polkiniń ınspektorlary ózderine bekitilgen marshrýt boıynsha qyzmet atqarýdy jalǵastyrýǵa baǵyt alǵan.