«Qazgıdromet» RMK 2024 jyldyń qańtar aıyna arnalǵan aýa raıy boljamyn jarııalady, dep jazady Egemen.kz.
Sınoptıkterdiń aıtýynsha, 2024 jyldyń alǵashqy aıynda eldegi aýa raıyna Atlantıkalyq sıklondar áser etedi. Sondyqtan respýblıkanyń basym bóliginde jaýyn-shashyn (jańbyr, qar), soltústik óńirlerde jıi qar jaýady.
Respýblıka boıynsha burqasyn, kóktaıǵaq bolyp, 15-28 m/s deıin jel soǵady.
3 qańtardan bastap Qazaqstannyń soltústik-batysynda, soltústiginde, ortalyǵynda jáne shyǵysynda aýa temperatýrasy az ýaqytqa tómendeıdi:
Respýblıkanyń soltústik-batysynda, soltústiginde túnde -3...+2°S-tan -20...-27°S-qa deıin, kúndiz -3...+2°S-tan -7...-15°S-qa deıin;
elimizdiń ortalyǵynda jáne shyǵysynda túnde 0...-8°S-tan -20...-28°S-qa deıin, kúndiz 0...-5°S-tan -5...-18°S-qa deıin aıaz bolady dep boljanyp otyr.
Sınoptıkter birinshi onkúndiktiń ekinshi bóliginde Qazaqstannyń soltústik jartysynda aıazdyń beti qaıtady dep boljady: túnde -5...-15°S deıin, kúndiz -3...-8°S deıin temperatýra tómendeıdi.
Qańtardyń birinshi onkúndiginiń sońynda, ekinshi onkúndiginiń basynda antısıklonnyń kúsheıýimen túnde temperatýra qaıtadan -18...-25°S deıin tómendeıdi. Elimizdiń batys óńirlerinde qańtar aıynyń basynda aýa temperatýrasynyń túnde -3...+5°S-tan 0...-10°S-qa deıin, kúndiz -3...+7°S-tan 0...-5°S-qa deıin tómendeýi kútiledi. Aıdyń ekinshi jartysynda – túnde -10...-18°S-qa deıin, kúndiz -3...-10°C-ǵa deıin ary qaraı tómendeıdi, birinshi onkúndiktiń sońynda ǵana kún jylynady. Respýblıkanyń ońtústik jartysynda aýa temperatýrasy túnde -5...+5°S-tan -3...-15°S-qa deıin, kúndiz +5...+10°S-tan -8...+3°S-qa deıin ózgerýi boljanady.
Konsýltatıvtik boljamǵa sáıkes 2024 jylǵy qańtardyń ekinshi jáne úshinshi on kúndiginde Qazaqstannyń basym bóliginde aýa raıynyń kúrt ózgerýi kútiledi. Atap aıtqanda, aıazdy kúnder jıilep, qar jıi jaýyp, burqasyn bolýy yqtımal. Sonymen qatar qańtarda aýa massalary ózgerip, kóktaıǵaq bolyp, tuman túsedi dep boljanǵan.
Aýa temperatýrasy soltústik jartysynda jáne shyǵysynda túnde -3...-13°S deıin, kúndiz -5...+5°S deıin respýblıkanyń ońtústik jartysynda jáne batysynda túnde -5...+5°S deıin, kúndiz +5...+15°S deıin joǵarylaıdy.
Qańtar aıynyń sońynda aýa temperatýrasy tómendeýi múmkin: Qazaqstynnyń soltústik jartysynda, shyǵysynda jáne ońtústik-shyǵystyń taýly aımaqtarynda termometr kórsetkishi túnde -22...-30°S deıin, kúndiz -12...-20°S deıin bolasa Qazaqstannyń ońtústik jartysynda jáne batysynda túnde -13...-23°S deıin, kúndiz -3...-13°S-ty kórsetedi.
Qańtar aıynda Qazaqstan aýmaǵy boıynsha temperatýralyq fon klımattyq normadan 1...-2°joǵary bolady. Jaýyn-shashyn mólsheri elimizdiń basym bóliginde norma shamasynda, eldiń soltústik-batys jartysynda, ońtústigi men ońtústik-shyǵysynyń taýly jáne taý bókterindegi aýdandarynda normadan kóp bolady dep boljanyp otyr.