Maǵjan Jumabaev aýdanynyń ortalyǵy Býlaev qalasynda jańa jyldyń birinshi kúninde 16 páterli eki qabatty úıde jalyndaǵan ot 13 adamdy ajal qushtyra jazdady. Kún kúrt jylyp, qar erip jatqan. Úıge irgeles salynǵan qazandyqty jaǵýshylar otty normaǵa sáıkes ústep salsa kerek, jalyn kenet kóterilip, ot úıdiń birinshi qabatyn sharpyp ketken. Qazandyq qýysy kireberiste bolǵandyqtan ekinshi qabattyń turǵyndarynyń shyǵýyna jol bermegen.
Qaladaǵy №12-shi órt sóndirý bóliminiń qyzmetkerleri órtpen aıqasýǵa jedel jetip, otty sóndirýge qyzý kiristi.
«О́rt týraly habar bizge 1 qańtarda saǵat 13.21-de kelip tústi. Araǵa 5 mınýt salyp kezekshi qaraýyl ottyń basyna jetip, adamdardy qutqarýǵa jáne órtti sóndirýge kiristik. Qazandyqtan shyqqan órt páterlerge tarap úlgeripti. Sozylǵan tóbeden shyqqan ýly tútin joǵary kóterildi. Kidirtý múmkin emes edi. Men adamdardy ekinshi qabattyń terezesinen baspaldaqpen qutqarý týraly sheshim qabyldadym. Barlyq operasııa birneshe mınýtqa sozyldy, órt sóndirýshiler Nursultan Shúńgilshın men Erlan Mujyqanov 7 adamdy – 4 áıel men 3 balany qutqardy. О́rt 13 saǵat 42 mınýtta quryqtalyp, 13 saǵat 50 mınýtta tolyǵymen joıyldy. Qurbandar men zardap shekkender joq», dedi azamattyq qorǵaý bóliminiń qaraýyl bastyǵy, azamattyq qorǵaý leıtenanty Ersultan Aqtan.
О́rtti sóndirý kezinde qaraýyldyń jeke quramy janyp jatqan páterden 27 lıtrlik gaz ballonyn shyǵardy. О́rttiń jalpy aýdany 12 sharshy metrdi qurady. Úıde turatyn ádilet aǵa leıtenanty Ǵalymjan Baıbýsınniń saýatty is-áreketterin atap ótý qajet, ol órt sóndirýshiler kelgenge deıin órtti qolda bar quraldarmen sóndirý áreketin jasaǵan, al órt sóndirýshiler kelgen soń adamdardy úıdiń eki kireberisinen evakýasııalaýǵa kómektesti. Úı turǵyndary ózderiniń qutqarýshylaryna alǵystaryn bildirip, ómirin saqtap qalýǵa jáne eń az shyǵynmen órtti sóndirgeni úshin rızashylyqtaryn bildirip jatty. «Jigitter jedel jetti. О́rt tez sóndirildi. Olarǵa kóp rahmet!», deıdi úı turǵyndarynyń biri, 19 jastaǵy Kırıll Pavlov.
Soltústik Qazaqstan oblysy