«Maıqaıyńaltyn» AQ kenishinde avarııalyq-qutqarý jumystary júrgizilip jatyr, dep habarlaıdy Egemen.kz Pavlodar oblysy TJD baspasóz qyzmetine silteme jasap.
4 qańtarǵa qaraǵan túni saǵat 01:25 shamasynda Pavlodar oblysynyń Baıanaýyl aýdanynda «Maıqaıyńaltyn» AQ aýmaǵynda, Maıqaıyń kenishi shahtasynyń janynda tazartý keńistigine 4 jolaýshysy bar avtobýs qulady. Qırandynyń aldyn ala uzyndyǵy − 150-200 m, eni − 500 m, tereńdigi − 150 m.
Apat kezinde avtobýsta 4 adam bolǵan. Onyń úsheýi KÁAQQ ROSh Pavlodar fılıalynyń qutqarýshylary, al bireýi júrgizýshi bolǵan eken. Shahtadan 33 jumysshy evakýasııalandy, olardyń ómiri men densaýlyǵyna qaýip tóngen joq.
«Jedel shtab uıymdastyryldy. Pavlodar oblysynyń ákimi Asaıyn Baıhanov, TJD men jergilikti atqarýshy organdardyń basshylyǵy oqıǵa ornyna bardy. Psıhologtar jumys istep jatyr. Avarııalyq-qutqarý jumystaryna «Maıqaıyńaltyn» AQ kásibı áskerılendirilgen avarııalyq-qutqarý qyzmetteri, jergilikti atqarýshy organdardyń kúshteri men quraldary, sondaı-aq TJ departamentiniń qutqarýshylary, barlyǵy 44 adam, 13 tehnıka men bir ushqyshsyz ushý apparaty (dron) jumyldyryldy», delingen TJD habarlamasynda.