Túrkistan oblysynyń polıseıleri eki qap esirtki tárkiledi, dep habarlaıdy Egemen.kz Polisia-ke silteme jasap.
«Batys Qytaı - Batys Eýropa trassasynyń 601-shaqyrymynda Honda Odyssey kóligi toqtatyldy. Kóliktiń júksalǵyshynan eki qap esirtki tabyldy. Alynǵan zattar saraptamaǵa jiberildi. Tárkilengen zattyń 40 kelige jýyq keptirilgen marıhýana ekeni anyqtaldy. Esirtkini zańsyz tasymaldaý deregi QR QK-niń 296-baby «Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» boıynsha tirkeldi», delingen aqparatta.
Kúdikti qamalyp, tergeý amaldary bastaldy.