Batys Qazaqstan oblysy Jańaqala aýdanynyń prokýratýrasy júrgizgen taldaýda kámeletke tolmaǵan oqýshylar 14 mekteptiń ınformatıka kabınetterinde tyıym salynǵan ınternet-kontentterge erkin qol jetkizip kelgeni anyqtaldy, dep jazady Egemen.kz.
Monıtorıng barysynda kámeletke tolmaǵandardyń ártúrli sýısıd pen zorlyq-zombylyq kórinisteri bar saıttarǵa erkin qol jetkizgeni belgili boldy.
Mektep qabyrǵasynda mundaı áreketke jol berilgeni úshin Ákimshilik quqyq buzýshylyq týraly kodekstiń 409-baby 7-2-bóligi boıynsha 14 mektep dırektory ákimshilik jaýapkershilikke tartyldy.
Búgingi tańda aýdannyń barlyq bilim berý mekemelerinde osyndaı ınternet-saıttarǵa kirýge shekteýler qoıý boıynsha jumystar júrgizilip jatyr.