Qaısar qalamger

Zeı­­nel-Ǵabı je­tin­shi synyp bi­tirgen jyldar­­dan aýyr qıyn­shylyqqa tap bol­­ǵan. Ol súıek týberkýleziniń aýyr túrine ushy­rap, tósek tartyp ja­typ qal­ǵan. Biraq tirlikten úmitin úzbeı, tósekte jat­qan kúıi qolynan kitap, gazet-jýr­nal túsirmegen. Bar-joǵy 7-sy­nyp bitirse de óziniń bili­min ózi je­tildirip, kórkem ádebıetti de, teorııany da oqı bergen. Oǵan ásirese N.Ostrovskııdiń «Qu­rysh qa­laı shynyqty» avto­bıogra­fııa­lyq romany qatty áser etken. Qaı­sar jan Pavel Korchagındi ózine ónege tutqan. Abaıdy da qolynan tastamaı, óleńderin balalaryna úıretýden de jalyq­pa­ǵan. Sóıtip, olardyń úlgisimen bala­larǵa arnalǵan áńgimeler, taq­paqtar jazýmen aınalysqan. «Qanatty ómir» degen bir áńgi­mesi «Juldyz» jýrnalyna da shyqqan. Al «Baldyrǵan» – ómiriniń soń­ǵy sátine deıingi serigi, aınymas avtory bolǵan ba­sylym. Ob­lys­­tyq gazetke de prob­le­ma­­lyq maqalalaryn bastyryp tur­ǵan. 

Sol jyldarda Soltústik Qa­zaq­stan oblystyq partııa komı­tetiniń ıdeologııa jónindegi hat­shysy – Ilııas Omarov edi. Ultynyń jylt etken jaq­sy­lyǵyna qol ushyn berýge asy­ǵatyn arys aǵamyz Zeınel-Ǵabı týraly estigen soń Sergeev (qazir Shal aqyn) aýdanyn­da­ǵy Ortaqkól aýylynda turatyn ony ózi izdep keledi. Densaýlyǵy­nyń túzelýine, turmystyq jaǵ­da­­­ıynyń jaqsarýyna qol ushyn beredi. Keńshardyń dırektoryn shaqyryp alyp, «aýylyńda úlken jazýshy turady, sen onyń esimimen maqtanýyń kerek. Al jazýshyǵa jaǵdaı kerek», dep tórt bólmeli sańǵyraǵan úı tur­ǵyzyp beredi. Densaýlyǵy azdap túzelgen shaǵynda qoljazbala­ryn qoltyqtatyp Almatyǵa jibe­rip, ondaǵy Jazýshylar odaǵynyń hat­­shylaryna, Sábıt Muqanov­qa kó­mek kórsetýdi surap, arnaıy hat jazyp beredi. Sóıtip, alǵashqy áń­gimeler jınaǵy I.Omarovtyń kómegimen «Bastama» degen atpen 1959 jyly jaryq kóredi. Bul oqıǵa qalamgerdi qatty qanat­tandyrady. Almatydan Asqar Lekerov, Qajytaı Ilııasov sııaqty pikirles, janashyr dostar da taýyp qaıtady. Solaı bastalǵan shyǵarmashylyq jol aǵamyzdyń ómiriniń sońǵy saǵatyna deıin jalǵasyp, kóziniń tirisinde 16 kitabyn shyǵarǵan. 

Aǵamyz  ulaǵatty urpaq ósir­gen ónegeli áke. Joldasy Kámash ekeýi tárbıelegen 10 balasynyń osa­ly joq. Úsh qyzy ákesiniń aýyr ha­line arasha bolýdy oılap, dá­ri­gerlik mamandyqty tań­dap­ty. Qalǵandary ustaz, sáý­letshi, ınjener-qurylysshy maman­dyq­taryn qalap, ómirdiń bıik belesterinde júr. Sonyń ishinde ári ánshi, ári belgili jýrnalıst bolyp júrgen Altyn Imanbaeva­nyń esimin respýblıka turǵyn­dary jaqsy biledi. Ol Prezıdent gran­tynyń ıegeri, Qazaqstannyń eńbek sińirgen qaıratkeri. 

Zeınel-Ǵabı Imanbaev 1987 jyly 63 jasynda dúnıeden qaıt­­ty. Urpaqtary onyń ja­rııa­­lanba­ǵan dúnıelerin jınap,  «Solmaıtyn gúl», «Qos qaıyń» atty jınaqta­ryn shyǵarǵan.

Jýyrda S.Muqanov atyn­daǵy oblystyq ámbebap, ǵyly­mı kitaphanada jazýshynyń 100 jyl­dyǵyna oraı mereke­lik kesh bolyp ótti. Oǵan qatys­qan­dar arasynda jazýshynyń balalary men týystary, jerles­teri, jaqyn aralasqan jandar jazýshy týraly qyzyqty estelikter aıtty. M.Qozy­baev atyndaǵy Soltústik Qazaqstan ýnıversıtetiniń dosenti Jan­baı Qadyrov jazýshynyń shyǵar­mashylyǵy týraly baıandama jasady.  E.Serkebaev atyndaǵy О́ner kolledjiniń stýdentteri jazýshynyń áńgimelerinen úzin­diler oqydy.

О́kinishke qaraı, osyndaı ómir­ge qushtar, eńbekqor, zor talant ıesi, ólkemizdiń maqtanyshy bol­ǵan balalar jazýshysyna óńi­ri­mizde laıyqty syı-qurmet ja­salmaı keledi. Bir kezde týǵan aýy­lyndaǵy mekteptiń atyn berýge talpynys bolǵanymen, bastama aıaqsyz qalypty. Biraq Petro­pavl qalasynda onyń esimimen bir kósheniń atyn atasa, artyq bolmas edi. Osyndaı usynys aıtylǵanda jınalǵan kópshilik qyzý qoldady, endi sony oblys basshylyǵy eskerse jón bolar edi.