Muqan Aǵzamovtyń shákirtteri Úndi eliniń Haıdarabad qalasynda strıtlıftıngten ótken Álem chempıonatynan jeti altyn, eki kúmis, bir qola medal alyp, komandalyq esepte úshinshi orynǵa ıe boldy.
О́skemen qalasynan 35 shaqyrym qashyqtyqta Ulan aýdanyna qarasty Aıyrtaý degen aýyl bar. Muqan Aǵzamov uzaq jyldan beri atalǵan aýylda turady. Tehnıka ǵylymdarynyń kandıdaty, professor, aýyl sharýashylyǵynyń maıtalman mamany. Kezinde 10-nan asa rasıonalızatorlyq jańalyqtardy óndiriske engizgen, 20-dan asa ónertabystyq patenti bar. Muqan Saǵıdollaulynyń shegirtkeni qurtýǵa arnalǵan qondyrǵysyn óńirdiń sharýa qojalyqtary keńinen paıdalanǵan. Muqannyń óziniń de qojalyǵy bar, eńbekqor azamat. Buǵan qosa Sársen Amanjolov atyndaǵy Shyǵys Qazaqstan ýnıversıtetinde jas kadrlarǵa óz tájirıbesin úıretip, dáris oqıdy. Uzaq jyldar gir sporty men qol kúresinen Dúnıejúzilik federasııanyń vıse-prezıdenti jáne prezıdenti boldy. Álem chempıonattary men Azııa birinshilikterinde gir sporty men qol kúresinen 12 ret júldeger, 5 ret chempıon atandy.
– Haıdarabad qalasyndaǵy Álem chempıonatyna biz óz qarjymyzben bardyq. Strıtlıftıngten ótken Álemniń 10-birinshiligine 18 memleketten kileń «sen tur, men ataıyn» degen myqtylar jınaldy. Tartysty ótken jarysta men 2 altyn, inim Erik 2 altyn, ulym Júrsin (barlyǵy Aǵzamovtar) 2 altyn, Ivan Malkov 1 altyn, 1 qola, Eriktiń uly Jan 2 kúmis medaldy ıelendi. Aıta ketý kerek, Jan Aǵzamov ótken jyly strıtlıftıng Azııa federasııasynyń prezıdenti bolyp saılandy. Bul sport Qazaqstanda jedel damyp keledi. Ulym Júrsin ótken jyly strıtlıftıng Dúnıejúzilik federasııasynyń vıse-prezıdenti bolyp saılandy. 2024 jyly biz álem chempıonattary men halyqaralyq jarystarǵa qatysamyz. Amanshylyq bolsa, shilde aıynyń 15-21 aralyǵynda О́skemende strıtlıftıngten Álem chempıonatyn ótkizýge ázirlenip jatyrmyz. Buryndary da qol kúresi men gir sportynan álem jáne Azııa chempıonattaryn ótkizgen tájirıbemiz bar, – deıdi Muqan Aǵzamov.
Aýylda tursa da, atalǵan sport túrleriniń damýyna ólsheýsiz úles qosyp júrgen Muqan sııaqty azamattarǵa alǵystan basqa aıtarymyz joq.
Ońdasyn ELÝBAI,
Qazaqstannyń qurmetti sport qyzmetkeri
Shyǵys Qazaqstan oblysy,
Ulan aýdany