Sınoptıkterdiń aıtýynsha, elimizdiń basym bóliginde turaqsyz aýa raıy saqtalady. Ońtústik-shyǵysta jáne ońtústik oblystyń taýly aımaqtarynda qatty jaýyn-shashyn (jańbyr, qar) kútiledi, dep habarlaıdy Egemen.kz.
Búgin Qazaqstanda tuman, kóktaıǵaq bolyp, ońtústik pen ońtústik-shyǵystyń taýly aımaqtarynda burqasyn, jeldiń kúsheıýi kútiledi.
Sınoptıkter birqatar óńirde daýyl bolatynyn eskertti. 29 qańtarda ońtústikte, Mańǵystaý oblysynyń ortalyǵynda kóktaıǵaq kútiledi. Aqmola oblysynyń batysynda jáne ońtústiginde, sondaı-aq Qaraǵandy oblysynyń soltústigi men shyǵysynda tuman túsedi.
Búgin kúndiz Almaty oblysynyń batysynda, ońtústiginde, taýly aımaqtarynda kóktaıǵaq kútiledi. Ońtústikte, taýly aımaqtarda keı jerlerde tuman túsedi.
Almatyda kúndiz kóktaıǵaq kútiledi. Keı ýaqytta tuman túsýi múmkin.
Qyzylorda oblysynyń ońtústiginde kóktaıǵaq kútiledi. Oblys ortalyǵynda soltústik-shyǵystan jel soǵady, kúshi 15-20 m/s.
Ulytaý oblysynyń batysy men soltústiginde soltústik-shyǵystan soǵatyn jeldiń ekpini 18 m/s.
Qostanaı oblysynyń soltústigi men batysynda tuman túsedi.
Túrkistan oblysynyń taýly jáne taý bókterindegi aýdandarynda qatty jaýyn-shashyn (jańbyr, qar) jaýady. Ońtústikte, oblystyń taýly aımaqtarynda tuman túsedi. Oblystyń taý asýlarynda qar jaýady. Soltústikte ońtústik-batystan soǵady, oblystyń taýly jáne taý bókterindegi aýdandarynda 15-20 m/s jel soǵady.
Shymkentte keı ýaqytta qatty jaýyn-shashyn (negizinen jańbyr) kútiledi. Ońtústik-batystan soǵatyn jeldiń ekpini 15-20 m/s.
Jetisý oblysynyń soltústiginde, ortalyǵynda, taýly aımaqtarynda keı jerlerde tuman túsedi. Alakól óńirinde soltústik-shyǵystan jel soǵady, ekpini 15-20 m/s.
Soltústik Qazaqstan oblysynyń ońtústigi men soltústiginde tuman túsedi.
Jambyl oblysynyń taýly aımaqtarynda qatty jaýyn-shashyn (jańbyr, qar) jaýady dep boljandy.