Katar astanasy Dohada ótip jatqan sý sporty túrlerinen álem chempıonatynda Qazaqstan altyn medal jeńip aldy, dep jazady Egemen.kz Ulttyq olımpıadalyq komıtetke silteme jasap.
Sınhrondy júzýden aralas juptyq synda óner kórsetken el sportshylary Edýard Kım men Nargıza Bolatova álem chempıony atandy. Juptyq saıysta 228.0050 upaı jınap, altyn júldeger boldy.
Kúmis medaldi Qytaı quramasy, qolany Meksıka komandasy ıelendi.
Aıta keteıik, Qazaqstan tarıhynda sý sporty túrlerinen álem chempıonatynyń altyn medali bolmaǵan. Buǵan deıin Almaty qalasyndaǵy QR Ulttyq ulany 5571 áskerı bóliminiń áskerı qyzmetshisi qatardaǵy jaýynger Edýard Kım jekeleı synda qola júlde jeńip alǵan edi.