Senat Tóraǵasy Máýlen Áshimbaev Aqmola oblysynyń jurtshylyǵymen, jergilikti aqsaqaldarmen, jastar jáne máslıhat depýtattarymen kezdesti. Kún tártibinde Memleket basshysynyń Joldaýda jáne Úkimettiń keńeıtilgen otyrysynda bergen tapsyrmalaryn iske asyrý máseleleri, Senattyń óńirdi damytýǵa yqpaly jáne Palata men máslıhattardyń ózara is-qımyl barysy talqylandy, dep jazady Egemen.kz joǵarǵy Palatanyń baspasóz qyzmetine silteme jasap.
О́ńirdiń máslıhat depýtattarymen jáne jurtshylyǵymen kezdesýde saıası, ekonomıkalyq, áleýmettik reformalardy iske asyrýǵa, sondaı-aq, oblysty damytýdyń keleshegine basa mán berildi.
«Prezıdent Qasym-Jomart Kemeluly Toqaev Úkimettiń keńeıtilgen otyrysynda áleýmettik-ekonomıkalyq damý, bıýdjet jáne salyq saıasatynyń tıimdiligin arttyrý salalarynda atqarylýǵa tıis mańyzdy mindetterdi belgilep berdi. Bul basymdyqtar depýtattardyń nazarynda bolýǵa tıis, sondaı-aq, jumys barysynda jáne Salyq kodeksin ázirleý kezinde eskerilýi kerek. Aldaǵy ýaqytta aýyl sharýashylyǵyn qarjylandyrý dáıekti túrde artady. Aqmola oblysy agrarlyq sala damyǵan óńir bolǵandyqtan, mundaı bastama aımaq turǵyndary úshin erekshe mańyzǵa ıe. Memleket basshysy kótergen áleýmettik salany reformalaý da aýqymdy jumysty talap etedi. Eldiń ıgiligine arnalǵan osy baǵyttarda barlyq memlekettik organ birlesip jumys isteýi kerek», dedi M.Áshimbaev.
Sonymen qatar Senat Tóraǵasy ekonomıkany keshendi túrde yryqtandyrýdyń negizgi basymdyqtaryna toqtaldy. Bul rette memlekettiń ekonomıkalyq úderisterge shamadan tys aralasýynan bas tartýdyń, memlekettik satyp alý, memleket pen jekemenshik seriktestigi, qurylys salasyn retteý júıelerin ózgertýdiń máni joǵary. Kezdesýde Memleket basshysynyń respýblıkalyq mańyzy bar joldardy jóndeý jáne ınfraqurylymdy damytýǵa qatysty bastamalary da talqylandy. Olar óńirlerdiń órkendeýi úshin óte ózekti ekeni anyq.
«El ekonomıkasyn damytýda jáne elordany aýyl sharýashylyǵy ónimderimen qamtamasyz etýde Aqmola oblysynyń mańyzy aıryqsha zor. О́ńirde turǵyn úıler men áleýmettik nysandardyń, onyń ishinde, aýyldyq jerlerde mektepterdiń qurylysy qarqyndy júrgizilip jatyr. Degenmen, aımaqta jetistiktermen qatar, sheshimin kútken problemalar da bar. Ásirese, ınjenerlik jáne energetıkalyq ınfraqurylymdy jańǵyrtý máselesi óte ózekti. Shýchınsk-Býrabaı demalys aımaǵynda ekologııalyq túıtkilder de joq emes. Biz óńirlerdiń múddesin qorǵaıtyn Palata retinde osy baǵyttarda máslıhattarmen baılanysty arttyryp, mańyzdy máselelerdi sheshýge yqpal etemiz», dedi Senat Tóraǵasy oblystyń máslıhat depýtattaryn zań shyǵarý jumysyna, parlamenttik tyńdaýlar, úkimet saǵattary, dóńgelek ústelder men kóshpeli otyrystar sııaqty Palata uıymdastyratyn is-sharalarǵa belsendi qatysýǵa shaqyrdy. Bul jıyndarda belgili bir máselelerdi sheshýge arnalǵan tujyrymdamalyq usynystar talqylanyp, ázirlenedi. Máýlen Áshimbaev Memleket basshysynyń tapsyrmasymen qurylǵan Ornyqty damý maqsattary jónindegi Parlamenttik komıssııanyń jáne Jergilikti ókildi organdarmen ózara is-qımyl jónindegi keńes, «О́ńir» depýtattyq toby sekildi Senat janyndaǵy alańdardyń jumysyna nazar aýdaryp, bul baǵyttar boıynsha da yntymaqtastyqty arttyrýǵa múmkindik mol ekenin aıtty.
Oblystyń belsendi jastarymen kezdesýde reformalardy iske asyrýda jáne aımaqtyń áleýetin arttyrýda jas býynnyń atqaratyn róli talqylandy. Senat Tóraǵasy óz sózinde qazirgi tańda elimizde jastarǵa júıeli túrde qoldaý kórsetilip kele jatqanyn, osy baǵytta keshendi reformalar iske asyrylyp, strategııalyq baǵdarlamalar jáne memlekettik jobalar ázirlengenin atap ótti.
«Memleket basshysynyń bastamasymen Qazaqstanda jastardyń sapaly bilim alýyna, olardy baspanamen qamtamasyz etýge jáne qyzmette ósýine barlyq jaǵdaı jasalyp keledi. О́ńir jastarynyń kásipkerlik bastamalaryna kómek kórsetý jáne olardy jumyspen qamtý máselelerin júıeli sheshý baǵytynda da irgeli ister atqarylyp jatyr. Prezıdenttik jastar kadrlyq rezerviniń arqasynda talantty, bilimdi, bilikti jas mamandarǵa jaýapty qyzmetterge kelýdiń jańa bir joly ashyldy. Aldaǵy ýaqytta Aqmola oblysynda da jergilikti kadrlyq rezervke irikteý bastalady. Oblys jastary óńirdiń ǵana emes, tutas elimizdiń damýyna úlken úles qosady dep senemin», degen Máýlen Áshimbaev Májilis jáne máslıhat depýtattarynyń qatarynda jastardyń bolýyn qamtamasyz etetin zańnamalyq normalarǵa da toqtalyp ótti.
Palata Spıkeri Senatta belsendi jastardy qoldaýǵa arnalǵan Taldaý mektebi, Jas sarapshylar klýby sııaqty naqty jobalar qolǵa alynǵanyn da tilge tıek etti. Osy sapar aldynda Kókshetaý qalasynda Senat janyndaǵy Jas sarapshylar klýbynyń músheleri Aqmola oblysynyń sarapshylar qaýymdastyǵymen kezdesti. Onda óńirdi damytý máseleleri jáne oblystyń sarapshylar qaýymdastyǵynyń Klýbpen ózara is-qımyl jasaý tetikteri talqylandy. Munyń bári Senattyń óńirlermen, onyń ishinde jergilikti sarapshylarmen júıeli baılanys ornatý baǵytyndaǵy keshendi jumystyń naqty nátıjesi ekeni sózsiz.
Sapar aıasynda senatorlar Shoqan Ýálıhanov atyndaǵy ýnıversıtettiń stýdentterimen jáne professor-oqytýshylar quramymen kezdesti. Sondaı-aq «Bota-2015» soıa, kúnbaǵys, raps maılaryn shyǵaratyn zaýyttyń jáne «Makınsk qus fabrıkasynyń» qyzmetimen tanysty. Eńbek ujymdarymen kezdesýlerde óndiristerdi odan ári damytý, qarjylandyrý jáne kásiporyndardyń materıaldyq-tehnıkalyq bazasyn jaqsartý máseleleri sóz boldy.
Odan bólek, senatorlar «Viamedis» emhanasy bar klınıkalyq-ońaltý ortalyǵyna bardy. Bul nysan zamanaýı medısınalyq qondyrǵylarmen jabdyqtalǵan jáne óńirdiń 20 myńnan astam turǵynyna qyzmet kórsetedi.