Qoǵam dertin qozǵaǵan...

Buǵan deıin oqyrmanǵa birneshe jınaq tartý etken jazýshynyń jańa kitaby «Fo­lıant» baspasynan ja­ryq kórgen. Shyǵarmanyń ne­­giz­gi arqaýy qoǵam der­tine aınalǵan jemqorlyq ta­qy­rybyna arnalǵan.

Kesh tizginin ustaǵan Par­lament Májilisiniń depýtaty, aqyn Janarbek Áshimjan qalamger shyǵarmashylyǵyna toqtalyp, onyń satıra janrynda ónimdi eńbek etip júrgenin jetkizdi.

«Satıra – qıyn da kúrdeli janr. Sondyqtan oǵan qalam terbeıtinder sırek. Má­se­len, Qazaq ádebıetinde sa­tı­­ralyq roman jazǵan Sadyq­bek Adambekovten bas­tap Os­panhan Áýbákirov, Shona Smahanuly, Seıit Ken­jeh­met­uly, Kópen Ámir­bek, Úm­betbaı Ýaıdın sekildi ar­daqty aǵalarymyz osy janrdy bir bıikke kóterdi. Osy satıra sańlaqtarynyń jolyn sátti jalǵaǵan qalamgerdiń biri – Qanaǵat Ábilqaıyr. Onyń ár shyǵar­masyn oqyrmandar izdep júrip oqıdy. Búgingi tusaýy kesilgen jınaǵynda qoǵamnyń keleńsiz kórinisteri kórkem beınelengen», dedi ol.

Odan keıin sóz alǵan Be­rik Sadyr, Baýyrjan Ba­ba­januly, Dáýletkereı Káp­uly jáne taǵy basqa da qa­lamgerler avtordyń týyndysy týraly oı-pikirlerin ortaǵa salyp, izgi lebizderin bildirdi.

Belgili synshy, Halyq­aralyq «Alash» ádebı syıly­ǵynyń laýreaty Amangeldi Keńshilik satıralyq janrda kórkem shyǵarma jazý eki sýretkerdiń biriniń qolynan kelmeıtinin tilge tıek etti.

«Meniń uǵymymda áde­bıet degen bilim, izdenis qana emes, ol – tazalyq, adam­­gershilik, parasattylyq. Mine, osy úsh qasıet Qanaǵat­tyń boıynda bar. О́zim onyń týyndylaryn úzbeı oqımyn. Proza jazý ońaı emes. So­nyń ishinde oqyrmandy kúldiretin sarkazmmen jazý qıyn. Biraq sol qıyndyqtan qoryqpaǵan qa­lamgerdiń shy­ǵarmalary shynaıy, shyn­shyl jazylǵan», dedi syn­shy.

Kesh sońynda Qana­ǵat Ábil­­qaıyr óz shyǵarmashy­ly­ǵy týraly az-kem sóz qozǵap, jı­­nalǵandarǵa rızashylyǵyn bil­dirdi.