“KО́GILDIR OTYN” KО́KJIEGIN KEŃEITÝ – ÝAQYT TALABY
Parlament Senatynda palata Tóraǵasynyń orynbasarlary Muhambet Kópeev pen Aleksandr Sýdınniń qatysýymen elimizdiń gaz salasyn damytý jáne óńirlerdi gazdandyrý máselelerine arnalǵan úkimet saǵaty otyrysy boldy. Oǵan Ekonomıkalyq jáne óńirlik saıasat komıtetiniń basshysy Nurlyǵaıym Joldasbaeva tóraıymdyq etti.
Mınıstrlikter men mekeme basshylary, jergilikti atqarýshy organdardyń, “QazMunaıgaz” UK” AQ ókilderi qatysqan sharany asha kelip, N.Joldasbaeva 2010-2014 jyldarǵa arnalǵan ındýstrııalyq-ınnovasııalyq jedel damý jónindegi memlekettik baǵdarlamany júzege asyrý aıasynda osy máseleni talqylaýdyń mańyzyna toqtaldy.
Gaz salasyn damytýdaǵy qatynastardy retteıtin quqyqtyq bazany qalyptastyrý týraly senator Edilbaı Imanqulov sóz sóıledi. Depýtattyń pikirinshe, biryńǵaı zań aktisin ázirleý memlekettik organdardyń, ulttyq jáne affılırlik munaı men gaz kompanııalarynyń qyzmeti men quziretterin ajyratýǵa, salaǵa ınvestısııa tartý úshin sharttardy belgileýge, Qazaqstannyń iri gaz qubyrlary arqyly gazdy tasymaldaýdy, onyń ishinde el aýmaǵy arqyly ótetin tranzıtti retteýge, tıimdi almasý operasııalarynyń júıesin jaqsartýǵa múmkindik beredi.
Munaımen birge shyǵatyn ilespe gazdy ulttyq menshikke berý týraly Memleket basshysynyń tapsyrmasyn oryndaý barysynda depýtat ilespe gazdy qabyldaý máselelerin zertteý jónindegi arnaıy jumys komıssııasyn qurýdy usyndy.
Úkimet saǵatynda Munaı jáne gaz mınıstrliginiń jaýapty hatshysy K.Safınov, “QazMunaıGaz” UK” AQ gazy boıynsha basqarýshy dırektory B.Nazarov, Geologııa jáne jer qoınaýyn paıdalaný komıteti tóraǵasynyń orynbasary E.Káribaev salany damytý máseleleri jónindegi óz oılaryn ortaǵa salyp, depýtattardyń saýaldaryna jaýap berdi.
KÁSIPORYN QYZMETINIŃ TANYSTYRYLYMY
Parlament Senatynda palata Tóraǵasynyń orynbasarlary Muhambet Kópeev pen Aleksandr Sýdınniń qatysýymen “Teńizshevroıl” JShS qyzmetiniń tanystyrylymy boldy. Sharaǵa palatanyń Ekonomıkalyq jáne óńirlik saıasat komıtetiniń basshysy Nurlyǵaıym Joldasbaeva tóraıymdyq etti.
Jumystyń negizgi baǵyttary boıynsha qol jetken nátıjeler týraly depýtattardy habardar ete kelip, kásiporyn bas dırektory T.Levı kompanııanyń strategııalyq maqsattary men ustanymdary týraly áńgimeledi.
Tanystyrylym aıaqtalǵannan keıin kompanııanyń bas dırektory qorshaǵan ortany qorǵaý men salyq zańdarynyń oryndalýyna, qazaqstandyq mazmundy ulǵaıtýǵa, mamandardy oqytý jáne daıarlaýǵa, qazaqstandyq mamandar eńbegine aqy tóleýge baılanysty depýtat-tardyń saýaldaryna jaýap berdi.
T.Levı sondaı-aq óndiristiń qorshaǵan ortaǵa áserin azaıtý, aımaqtyń ınfraqurylymyn damytýdy ınvestısııalaý máselelerine de toqtaldy, dep habarlady Parlament Senatynyń baspasóz qyzmeti.
ShARDARALYQ MEIMANDAR MÁJILIS ÚIINDE BOLDY
Buǵan deıin habarlanǵanyndaı, Ońtústik Qazaqstan oblysynyń Shardara aýdanynan Astanaǵa arnaıy kelgen ardagerler men mektep oqýshylary Májilis úıinde de boldy. Olar Parlament Májilisiniń depýtaty Tólebek Qosmambetovpen júzdesti, dep habarlady osy palatanyń baspasóz qyzmeti.
Meımandar arasynda tyl eńbekkerleri, qurmetti demalystaǵy eńbek ardagerleri men turmystyq jaǵdaıy tómen otbasylardan shyqqan 15 oqýshy bar. Bul sapardy Shardara aýdanynyń ákimdigi uıymdastyrdy.
Ońtústik óńirden kelgen meımandar Parlament palatalarynyń birlesken otyrys zalyn, Májilis depýtattarynyń zańmen jumys isteý oryndaryn aralap kórdi. Depýtat T.Qosmambetov óńirden kelgen zeınetkerler men shákirtterge Parlamenttiń qurylymy, zań shyǵarý tájirıbesi týraly aıtyp berdi. “Búgingi tańda elimizde Qazaqstan Prezıdenti Nursultan Nazarbaevtyń ústimizdegi jylǵy “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty Qazaqstan halqyna Joldaýyn iske asyrý jónindegi jalpyulttyq is-sharalar josparyna sáıkes jumystar júzege asyrylýda. Parlament depýtattary elimizdiń damýy úshin asa mańyzdy zań jobalaryn talqylaý ústinde. Úkimet basshysynyń atyna jáne mınıstrlerge turǵyndardyń áleýmettik jaǵdaıyna baılanysty depýtattyq saýaldar joldaımyz. Maqsatymyz – halyqtyń muqtajdaryna bılik organdarynyń nazaryn aýdarý”, – dedi depýtat meımandarǵa qaratyp.
О́z kezeginde ońtústikqazaqstandyqtar elordanyń sáýleti men sán-saltanatyn tamashalap, mártebeleri óskenin aıtty jáne órkenıetke bet túzegen memleketimizdiń keleshegine degen úlken senimderi bar ekenin jetkizdi.
Sýretti túsirgen Saılaý MAILYBAEV.
DEPÝTATTARMEN KEZDESTI
Parlament Májilisiniń depýtaty Nurtaı Sabılıanov Semeı qalasynyń orta mektepteriniń ustazdary jáne oqýshylarymen kezdesti. Ol muǵalimder men oqýshylardy Astanany, onyń kórkem de ásem oryndaryn, sonyń ishinde halyq qalaýlysynyń jumys orny – Parlament Májilisin kórip qaıtsyn degen oımen shaqyrǵan.
Bul oqıǵa balalarǵa úlken áser etti. Kezdesý barysynda ustazdar, oqýshylar men olardyń ata-analary ne kórgenderi, qandaı kóńil kúıde bolǵandary týraly aıtty. “Men Báıterek keshenin, Prezıdenttik mádenıt ortalyǵyn jáne taǵy basqa ásem ǵımarattardy kórgenime baqyttymyn. Maǵan Astanamyz óte unady”, – dep 6 synyp oqýshysy Álijan Ánýarbekov qýanyshymen bólisti.
Oqýshylar alǵan áserlerin kezegimen aıtyp, ásirese, “Otan-Ana” monýmentin kórgende boılarynda rýh paıda bolǵanyn jetkizdi. О́zderiniń jeke oılaryn muǵalimder men ata-analar da biraýyzdan bylaısha bildirdi: “Bul sapar balalarǵa tek kóńildi ári qýanyshty sapar ǵana bolyp qoımaı, keleshegine, oı-sanalaryna jáne de azamat bolyp qalyptasýyna zor yqpal etti”. Sonymen qatar, ustazdar depýtatqa arnaıy hat tabys etip, bilim salasynyń máselelerine kóńil aýdarýyn ótindi.
Kezdesýden keıin Májilis ǵımaraty boıynsha ekskýrsııa ótti. Balalarǵa qos palatanyń birlesken otyrys zalyn, Parlament Májilisiniń jalpy otyrys zalyn, Baspasóz ortalyǵyn jáne depýtattyń jumys kabınetin kórýge múmkindik berildi. Parlamentshi men balalardyń umytylmas kezdesýi fotosýretke túsýmen jáne izgi nıet bildirýmen aıaqtaldy.
Gaýhar QADIRSIZOVA, Aıjan ÁMIRHANOVA.
HALYQARALYQ YNTYMAQTASTYQ JOLYNDA
Senattyń Áleýmettik-mádenı damý komıtetiniń tóraǵasy, UQShU Parlamenttik Assambleıasynyń saıası máseleler jáne halyqaralyq yntymaqtastyq jónindegi turaqty komıtetiniń tóraǵasy Ahan Bıjanov bastaǵan qazaqstandyq parlamenttik delegasııa Uıymnyń Parlamenttik Assambleıasy Keńesiniń Erevanda bolǵan alǵashqy kóshpeli otyrysyna qatysyp qaıtty. Armenııa Ulttyq jınalysynyń ǵımaratynda ótken otyrystyń kún tártibin talqylaýǵa Reseı, Armenııa, Belarýs, Tájikstan parlamentshileri qatysty.
Otyrysta sóz sóılegen A.Bıjanov Qazaqstannyń EQYU-ǵa tóraǵalyq etýiniń sabaqtastyǵy men jańalyqtaryna qatysty máselelerge nazar aýdardy. EQYU-nyń tıimdiligin arttyrý, ony jer júziniń úsh qurlyǵyndaǵy 56 eldi biriktiretin erekshe únqatysý alańy retinde damytý jónindegi Qazaqstannyń nıeti jáne elimizdiń tóraǵalyq etý tujyrymdamasy týraly aıta kelip, senator ultaralyq jáne konfessııaaralyq kelisim salasyndaǵy bizdiń elimizdiń oń tájirıbesi týraly áńgimeledi.
Senator UQShU jáne EQYU Parlamenttik Assambleıalary aıasyndaǵy parlamentshilerdiń ózara is-qımylyn tereńdetý parlamentaralyq únqatysýdyń mańyzdy býyny bolyp tabylatynyn atap ótti. “Búgin Ujymdyq qaýipsizdik sharty uıymynyń, onyń ishindegi parlamenttik quramdasynyń mańyzy artyp keledi, óıtkeni, bizdiń memleketimizdiń qaýipsizdigi halyqaralyq qatynastardyń qazirgi júıesinde ornyqty damýdyń asa mańyzdy faktory”, dedi A.Bıjanov.
EQYU-nyń kezekti Sammıtin ótkizý jónindegi Qazaqstan bastamasyna baılanysty depýtat mundaı mańyzdy forýmǵa halyqaralyq ómirdiń erekshe máseleleri engizilýi múmkin ekenin atady. Birinshi kezekte, bul biryńǵaı qaýipsizdik kelbetin qalyptastyrý, “Korfý úderisterin” júzege asyrý, Aýǵanstandy qalpyna keltirý jáne oǵan kómek berý. A.Bıjanovtyń pikirin-she, joǵary deńgeıdegi kezdesýlerdiń kún tártibine ultaralyq jáne konfessııaaralyq kelisimdi qamtamasyz etý jónindegi baǵdarlama ázirleý týraly máseleni engizýge de bolar edi. Qazaqstan delegasııasynyń basshysy sondaı-aq UQShU-ǵa múshe memleketter parlamentteriniń EQYU Parlamenttik Assambleıasyndaǵy halyqaralyq salanyń ózekti máseleleri jónindegi ózara is-qımylyn úılestirý jóninde de sóz sóıledi.
Qyrǵyzstandaǵy ishki saıası jaǵdaıdy talqylaı kelip, otyrysqa qatysýshylar osy eldegi jaǵdaıdy halyqaralyq quqyqtarǵa sáıkes turaqtandyrýǵa múddeli ekendikterin bildirdi. Parlamentshiler sondaı-aq Eýropalyq qaýipsizdik týraly kelisim jobasyn birlese otyryp ilgeriletý, UQShU-ǵa múshe memleketterdiń mektep baǵdarlamasyna tarıhı estelik sabaqtaryn engizý, Belarýs jáne Reseıdiń odaqtyq Parlamenttik Jınalysyna UQShU PA janyndaǵy baıqaýshy mártebesin berý týraly máselelerdi qarady, dep habarlady Parlament Senatynyń baspasóz qyzmeti.