Pavlodar qalasynda bolǵan oqıǵaǵa qatysy bar joǵary shendi polıseı jaýapkershilikke tartyldy, dep habarlaıdy Egemen.kz Pavlodarnews.kz saıtyna silteme jasap.
Byltyr Pavlodar polısııasynyń Soltústik bólimi bastyǵynyń orynbasary qol astyndaǵy aıaǵy aýyr qyzmetkerin urǵany úshin aıyptalǵan edi. Sondaı-aq bul jaǵdaı QR Ishki ister mınıstrliginiń ishki qaýipsizdik departamentiniń qyzmet salasynyń baqylaýynda bolǵan.
«2024 jyldyń 25 qańtardaǵy buıryqqa sáıkes Ortalyq polısııa bólimi bastyǵynyń tergeý jónindegi orynbasary teris sebeptermen Qazaqstan Respýblıkasynyń Ishki ister organdarynan bosatyldy», dep jaýap berdi oblystyq polısııa departamenti.
Eske sala keteıik, ótken jyldyń 13 qazanynda Pavlodar qalasynyń PB Soltústik polısııa bóliminiń tergeýshisinen atalǵan bólim bastyǵynyń orynbasaryna shara qoldaný týraly ótinishi kelip tústi. Oblystyq polısııa departamentiniń basshysy Vasılıı Sklıardyń tapsyrmasy boıynsha qyzmettik tergeý bastalǵan edi. Onyń nátıjeleri boıynsha polısııa qyzmetkeriniń áreketterine quqyqtyq baǵa beriledi.