«Memleket basshysynyń tapsyrmasyna sáıkes osy saladaǵy úsh ǵylymı baǵdarlamamen jumys isteýdemiz, naqty aıtqanda, olar: orta bilim berý júıesinde ınklıýzıvtilik pen qoljetimdilikti qamtamasyz etýdiń tujyrymdamalyq modeli, mektep oqýshylaryn kásiptik baǵdarlaýdyń ınklıýzıvtiligin qamtamasyz etýdiń uıymdastyrýshylyq-ádisnamalyq negizderi jáne erekshe bilim berý qajettiligi bar balalardy úzdiksiz psıhologııalyq-pedagogıkalyq súıemeldeý. Bul zerthana bilim berýdiń qoljetimdiligi men ınklıýzıvtiligin qamtamasyz etýde muǵalimder úshin kómekshi resýrs bolady jáne bul ınklıýzıvti bilim berýdi damytýǵa eleýli úles qosary daýsyz», dep atap ótti akademııanyń Inklıýzıvti bilim berý ortalyǵynyń dırektory Svetlana Ismagýlova.
Vırtýaldy zerthana – onlaın oqytý men beınekonferensııalardy jazýǵa arnalǵan zamanaýı jabdyq. Zerthanada bolashaq pedagogterdi daıarlaý boıynsha JOO professorlyq-oqytýshylyq quramy jáne biliktilikti arttyrý kýrstarynyń trenerleri úshin pedagogterdiń ınklıýzıvti praktıkany iske asyrýǵa daıyndyǵyn qamtamasyz etý boıynsha oqytý kýrstaryn ótkizý jumystary uıymdastyrylady. Sondaı-aq vırtýaldy zerthana qyzmeti sheńberinde qoǵamda ınklıýzıvti mádenıetti qalyptastyrý boıynsha materıaldar ázirleý josparlandy.