Qaraǵandynyń irgesindegi Qurma qus fabrıkasynyń óndirisi sońǵy ýaqytta birshama ońalyp kele jatqan edi. О́kinishke qaraı, keshegi tosyn oqıǵa oǵan zor zalal keltirdi. Elektr qýatynyń aldyn-ala eskertýsiz kenetten sóndirilýi saldarynan jeldetkishterdiń jumys isteýi toqtap, aýa qapyryqtanyp 300 myń taýyq tunshyǵýdan qyrylyp qaldy. Bes saǵat boıy onyń nege úzilip tastalǵany belgisiz. Qazir ekijaqty kinálasýǵa qaraǵanda “Qaraǵandy Jaryq” JShS fabrıkanyń elektr qýaty úshin jyl basynan beri qaryzdar ekenin alǵa tartsa, “AgrofırmaQurma” JShS óz tarapynan boryshker emestigin aıtady.
Negizinen jumyrtqa óndirýmen aınalysatyn kásiporynnyń keleshegi endi buldyr kúıge ushyraǵan sııaqty. Qus sanynyń teń jartysynan aıyrylý orny tolmas shyǵynǵa batyrdy delinýde. Eregister, kelispeýshilikter zamany ótken ýaqytta mundaı jaǵdaıdyń qaıtadan aldan shyǵýy qalaı bolǵanda da túsiniksiz.
Aıqyn NESIPBAI. QARAǴANDY.