Bıyl Memleket basshysynyń tapsyrmasymen Almaty qalasy men Mańǵystaý, Aqtóbe, Qaraǵandy, Jambyl, Qyzylorda jáne Pavlodar oblystarynda 11 jańa qosymsha bilim berý ortalyǵyn ashý josparlanyp otyr. Bul uıymdardyń ashylýy jetkinshekterdiń boıyndaǵy talanty men qabiletin damytýǵa múmkindik beredi.
«Bizdiń mınıstrlik oqýshylardy qosymsha bilimmen qamtý boıynsha keshendi jumys júrgizip otyr. О́tken jyly ǵana elimizde 9 qosymsha bilim berý ortalyǵy ashyldy. Bıyl olardyń sany 11-ge kóbeıedi. Jalpy, 2027 jylǵa deıin 100 qosymsha bilim berý ortalyǵyn iske qosý josparda bar», deıdi Oqý-aǵartý mınıstrligi Tárbıe jumysy jáne qosymsha bilim berý departamentiniń dırektory Merýert Medetbekova.
Bıyl balalardy qosymsha bilimmen qamtýdy 85 paıyzǵa deıin arttyrý josparlanǵan. Búginde elimizde barlyǵy 1625 mektepten tys uıym jumys isteıdi. Onda ártúrli baǵyt boıynsha úıirmelerdiń 380 túri usynylǵan. Sonyń ishinde ǵylymı-tehnıkalyq, mýzykalyq, kórkemdik-estetıkalyq, ekologııa-bıologııalyq, týrıstik-ólketaný, áskerı-pa- trıottyq, áleýmettik-pedagogıkalyq jáne basqa da úıirmeler bar.